Bell, Book and Candle

Iste articlo ye sobre una cinta estausunidense de comedia romantica fantastica; ta la obra teatral, se veiga Bell, Book and Candle (obra teatral).

Bell, Book and Candle
Títol	Bell, Book and Candle
Ficha tecnica
Dirección	Richard Quine
Aduyant de dirección	Irving J. Moore
Dirección artistica	Cary Odell Louis Diage
Producción	Julian Blaustein
Guión adaptau	Daniel Taradash
Basau en	Bell, Book and Candle, obra teatral de John Van Druten (1950)
Musica	George Duning
Soniu	Franklin Hansen John P. Livadary
Fotografía	James Wong Howe
Montache	Charles Nelson
Escenografía	Louis Diage
Vestuario	Jean Louis
Maquillache	Ben Lane
Peluquería	Helen Hunt Rhoda Donaldson
Actors	James Stewart Kim Novak Jack Lemmon Ernie Kovacs Hermione Gingold Elsa Lanchester Janice Rule
Color	Technicolor
Datos y cifras
País(es)	Estaus Unius
Anyo	1958
Estreno	11 de noviembre de 1958 Los Angeles (California, Estaus Unius)
Chenero(s)	Cine de comedia Cine de romance Cine de fantasía
Durada	106 min.
Idioma(s)	Anglés Francés
Companyías
Productora(s)	Phoenix Productions, Inc.
Distribución	Columbia Pictures
Estudio(s)	Metro-Goldwyn-Mayer
Recauto	2,5 millons de dólars
Informacions en bases de datos especializadas:

Bell, Book and Candle (títol orichinal en anglés, en aragonés Campana, libro y vela, estrenada en Aragón con o títol en castellano de Me enamoré de una bruja, en aragonés M'encantuché d'una bruixa) ye una cinta de cine de comedia romantica fantastica de cine estausunidense estrenada l'anyo 1958, dirichida por Richard Quine seguntes un guión adaptau por Daniel Taradash (basau en a obra teatral Bell, Book and Candle de John Van Druten de l'anyo 1950), con una banda sonora orichinal de George Duning, una dirección de fotografía de James Wong Howe, una producción cinematografica de Julian Blaustein ta la productora cinematografica Phoenix Productions, Inc. y un elenco formau por James Stewart, Kim Novak, Jack Lemmon, Ernie Kovacs, Hermione Gingold, Elsa Lanchester y Janice Rule, entre d'atros actors.

Gillian Holroyd ye la propietaria d'una botiga d'arte en Nueva York, pero tamién ye (secretament) una bruixa. Una mica pachana por a suya vida, s'intresa por o suyo nuevo vecino, Shep Henderson, qui ye editor d'una editorial d'a ciudat. En a nueit de Nadal, cuan Shep plega enta la suya casa, i troba en l'interior a Queenie, la tía de Gillian, qui fa un maleficio a lo telefono de Shep ta que no funcione. Como consecuencia, Shap va enta l'apartamento de Gillian ta fer servir o suyo telefono. Encara que Shep tien novia, Queenie empenta a Gillian ta que l'enamore. Cuan casualment se troban en un club Gillian y Shap, iste ye con su novia, que resulta estar conoixida de Gillian: ye una mesacha que yera la suya enemiga en a universidat, dica lo punto que cuan Gillian descubrió que l'aterrorizaban as tronadas ella las conchuraba terne que terne. Finalment, Gillian emplega a lo suyo mixín ta fer una encantaria ta que s'amoriquie d'ella. Cuan Shep li demana que se case con ella, Gillian tien un contornillo, porque si las bruixas s'enamoran pierden os suyos poders. Cuan li explica la realidat a Shep, iste l'albandona, pero lo mixín no deixará que la historia remate asinas.

A cinta s'ambienta en a suya epoca actual (1958) en a ciudat de Nueva York, y las suyas escenas se filmoron ixa mesma ciudat y en os estudios d'a Metro-Goldwyn-Mayer en Culver City (California).

Bell, Book and Candle ye una cinta que ha recibiu bellas nominacions a bels premios, en destacando dos nominacions a los Premios Oscar (Millor Dirección Artistica y Millor Disenyo de Vestuario) en 1959 en a 31^ena edición de ditos premios; y una nominación a lo Premio Globo d'Oro a la Millor Cinta de Musical u Comedia en 1959 en a 16^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1958.
• Cintas de 1958.

Vinclos externos

• Se veigan as imáchens de Commons sobre Bell, Book and Candle.
• (en) Bell, Book and Candle en Internet Movie Database.
• (en) Bell, Book and Candle en Rotten Tomatoes.
• (en) Bell, Book and Candle en l'American Film Institute Catalog de l'American Film Institute.
• (en) Bell, Book and Candle en TCM Movie Database.

• Datos: Q1731060
• Multimedia: Bell, Book and Candle / Q1731060