Baverans

De Biquipedia
Ir a la navegación Ir a la búsqueda
Baverans
Bairischen
Flag of Bavaria (lozengy).svg
Franz Beckenbauer 2006 06 17.jpgLudwig II of Bavaria.jpgSebastian Schweinsteiger (Confed-Cup 2005).JPG
Benedykt XVI (2010-10-17) 4.jpgErzsebet kiralyne photo 1867.jpgDiesel 1883.jpg
Franz Josef Strauß 1982.jpgJoseph von Fraunhofer.jpgBundesarchiv Bild183-R57262, Werner Heisenberg.jpg
Franz Beckenbauer · Loís II · Schweinsteiger
Benedet XVI · Isabel de Bavera · Rudolf Diesel
Franz J. Strauß · J. von Fraunhofer · Werner Heisenberg
Rechions con comunidatz importants
Flag of Germany.svg Alemanya
Idiomas
Austro-baverán, alemán
Relichión
Catolicismo
Pueblos relacionatos
Tiroleses, austriacos

Os baverans son os habitants de Bavera, charran o baverán y son catolicos.

Son un pueblo alemán con una tradición principalment agricola, rural, sin tener una tradición comercial como os renans, prusians.

Reparto cheografico[editar | editar código]

Os baverans son os habitants de l'Alta Bavera y a Baixa Bavera. En atras partz d'o Land de Bavera a población ye d'orichen suabo u franconio, que quedoron en o Ducato de Bavera u en o Land de Bavera quan s'ixampló o territorio dimpués d'a Guerra d'as Trenta Anyatas u quan as Guerras Napolionicas.

Modo de vida tradicional[editar | editar código]

Son agricultors sedentarios. L'habitat ye ixemenato porque l'Alta Bavera ye montanyosa y a baixa bavera ye de pueyos y altiplans, de fueras d'as amplas vals a los dos costatos d'o Hillertau y a Val d'o Inn.

Bi ha platos tradicionals con productos lactios: Kalbsrahmbraten (vetiella en o suyo xuco con crema de leit), Windbeuteln (bunyuelos de crema tipicos de Berchtesgaden), Obatze (mezcla de manteca y queso).

A tradicional pobreza d'o medio rural ha feito que a cocina baverana aproveite d'una traza creyativa menudillos: libians pa fer o Lüngern, ecetra....

Atros platos tipicos son a Weisswurst de Munich (una salchicha blanca a base de sangre) y Leberkäs, (carne sazonata y rostita a fuego lento).

Bi ha una actividat de producción cervezera. 2/3 d'as fabricas de cerveza d'Alemanya se troban en Bavera.

Chunto con os frisons os baverans son menos micofobos que atros pueblos d'Alemanya, talment por influencia eslava.

Luenga[editar | editar código]

Gnome-searchtool.svg
Ta más detalles, veyer l'articlo idioma austro-baveránveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Dialectos d'os sud d'Alemanya

Os baverans comparten con os tiroleses y os austriacos (de fueras d'o cabo occidental d'Austria) o bayerisch u forma oriental de l'Alto Alemán que parlan os descendients d'a stamm d'os bayoarios.

En Bavera os descendients d'a población romanizata mantenioron un romanz autoctono talment d'a branca retorromanica en chicotz enclaus cheograficos dica o sieglo IX.[1]

Relichión[editar | editar código]

A gran mayoría son catolicos, os baverans son consideratos en Alemanya como un pueblo tipicament catolico. Manimenos bi ha una minoría protestant muito redueita en a redolata de Feldkirchen dende o sieglo XIX y tamién viellos catolicos.

Historia[editar | editar código]

Danubio yera a muga norte d'o Imperio Román y i heba ciudatz fortificatas como Augsburgo, Ratisbona y Passau. En l'anyo 405 se crebó a muga danubiana y chent d'orichen chermanico s'establió en tierras a lo sur d'o Danubio, prenendo-ne o control. Os clans u as tribus chermanicas s'organizoron en un nuevo pueblo chermanico, (que escritos clasicos denominan "baiovarios" u "baioarios", como Heredia los menciona), y que en alemán dicen Bajuwaren. Bi ha diferents etimolochías propuestas pa este etnonimo, una d'ellas ye que como os pueblos chermanicos veniban d'o norte, a tierra d'os antigos galos boyos, (que dioron nombre a Bohemia) denominoron a estos chermans como si venisen d'a tierra d'os boyos.

Os bayobarios mantenioron o paganismo dica a misión de Sant Bonifacio (737-748). En l'anyo 788 Carles Magno derrocó a lo zaguer descendient d'a dinastía d'os Agilolfingos y Bavera esdevinió una pertenencia d'os Carolinchios. En l'anyo 911 Bavera esdevinió un ducato d'o Sacro Imperio Román-Chermanico. O Ducato de Bavera fue esminglanato por Otón II en a decada de 970, y por dos sieglos Bavera no yera que un toponimo.

Manimenos en l'anyo 1180 o emperador Frederico I Barbarroya quitó Bavera a lo güelfo Henrique o Lión, que yera duque de Saxonia, y li'n concedió a un mainate local, Otón de Wittelsbach, en calidat de sinyoría nominal de l'aria entre a Selva de Bohemia, o Inn, os Alpes y o Lech y por 738 anyatas os baverans fuoron gobernatos por os suyos descendients. En o Ducato de Bavera i heba muitos territorios baixo poder d'institucions que escapaban a lo control d'os duques: monesterios, seus bispals, ciudatz libres y nobles imperials.

En a guerra de succesión de 1504-1506 o duque Alberto IV de Bavera unió as diferents partitas d'o suyo herencio con as suyas cortz en Munich y Landshut y introdució a primochenitura. Esto fació que o poder d'os duques se fese més gran. En o sieglo XVI os duques s'aproveitoron d'a luita contra a reforma protestant pa tener o favor d'os emperadors y a cooperación d'a Ilesia. Con l'aduya d'os chesuítas contrarrestoron o poder d'os luterans. O ducato de Bavera yera en o sieglo XVI un estato renaixentista, con una universidat chesuíta en Ingolstadt y una cort en Munich.

O duque Maximilián II (1591-1615) refirmó a causa catolica en a Guerra d'as Trenta Anyatas. Os invasors franceses y suecos devastoron o país, pero en a paz de Westfalia de 1648 o duque de Bavera obtenió l'Alto Palatinato y o dreito de participar chunto con atros seis principes alemans en as esleccions imperials.

O duque Maximilián Chusé (1799-1825) fació liga con Napolión (a diferencia d'atros principes de l'antigo rechimen), y s'aproveitó de l'apocheu d'a Francia Napolionica, pa dimpués cambear de bando y aproveitar-se tamién d'a suya caita. En 1805 os autriacos invadioron Bavera, pero os franceses contratacoron y o 2 d'aviento de 1805 Napolión venció a los austriacos en Austerlitz. Por o tractato de Presburgo, Austria cedió o Tirol a Bavera y as zagueras posesions de Suebia a Baden y Wurtemberg. Como resultato d'a participación en as guerras napolionicas en un bando u atro o ducato de Bavera ixampló muito o suyo territorio, esdevinió Reino de Bavera, con una monarquía constitucional rechita por un codigo de leis y obtenió un tractamiento especial en o marco d'o Buld chermanico que sustituyó a lo Sacro Imperio.

En a Confederación Chermanica Bavera defendeba os estatos chicotz debant d'o expansionismo prusián, (feito que de bella traza continaba fendo en 1850 quan consiguió que os prusians no imposasen una constitución, en 1933 quan s'oposaba a los nazis y en 1946 quan se constituiba a RFA, y en 1972 por as implicacions d'un tractato con a RDA).

En a guerra franco-prusiana de 1870-1871 se garantizó que Bavera participaría en un amplo estato alemán chunto con os suyos vicins d'o norte e que a lo mesmo tiempo sería un miembro peculiar d'a comunidat chermanica. En 1871 o reino de Bavera se fusionó con o Imperio Alemán. Quan Bismarck adrezó o Kulturkampf contra a Ilesia Catolica a reacción popular fue tan gran que o catolicismo esdevinió un simbolo d'identidat baverana. En 1912 un partito catolico plegó a lo poder, y lo conservó en cada eslección democratica.

A rechión s'oposó a la Constitución de Weimar de 1919 por estar prou centralista pa os Baverans. En 1933 Hitler suprimió as zagueras formas d'autonomía baverana. O clero s'oposaba pero no fació res. A rechión tenió menos esferra que atras rechions d'Alemanya en a segunda Guerra Mundial.

En a postguerra Bavera o sector agrario, en mans de chicos propietarios s'enriquió con as aduyas europeas. A redueita industria, concentrata en bells puestos tamién se benefició d'o creiximiento economico. O resultato ye que os baverans yeran o pueblo alemán més rico en a decada de 1990. Os paisaches y un patrimonio historico y artistico facioron que o Land de Bavera atrayese o torismo.

O Land de Bavera ye o solo Land d'Alemanya gobernato por un partito local, a Unión Social Cristiana, (dica cierto punto equivalent a Unión del Pueblo Navarro), partito que fa part d'una coalición gobernant a vegatas (Unión Cristiano-Democrata). En a decada de 1990 o gobierno baverán s'ha resistito a bellas iniciativas federals sobre educación, inversions agricolas y politica exterior.

Referencias[editar | editar código]

  1. Lucien Musset Las invasiones: las oleadas germánicas, Volumen 20. Editorial Labor, 1967 [1]

Bibliografía[editar | editar código]

  • (es) Felipe Fernández-Armesto: Los hijos de Zeús. Pueblos, etnias y culturas de Europa. 1996 Grijalbo.
  • (es) Jean Sellier: Atlas de los pueblos de Europa Occidental. Editorial Paidós.


 
Distribución d'os pueblos chermanicos occidentals continentals d'Alemanya (alemans), d'a suya redolada, y d'a diaspora
Pueblos chermanicos occidentals
continentals d'Alemanya (alemans) y redolada
Alsacians · Austriacos · Baverans · Bohemians · Flamencos · Franconians · Frisons · Holandeses · Luxemburgueses · Prusians · Renans · Saxons · Silesians · Suizos · Suebos · Tiroleses · Turinchians
Diaspora alemana en Europa Alemans balticos · Alemans d'a mar Negra · Alemans d'a Volga · Mennonitas de Rusia · Saxons transilvans · Suebos d'o Danubio
Diaspora alemana d'Ultramar Alemans de Brasil · Alemans d'Estatos Unitos · Alemans de Namibia · Amish
Se veiga tamién Ostsiedlung · Expulsión y fuita d'os alemans (1944-1950)