Baverán cimbrio

Cimbrio Zimbrisch
Variedatz d'o baverán
Distribución historica (amariello) y actual (narancha) d'os dialectos cimbrio y mócheno.
Localización cheografica
Estau	{{{estau}}}
País	{{{país}}}
Rechión	{{{rechión}}}
Parlau en	Italia
Lugars principals	Roana, Luserna, Giazza, Sappada, Sauris, Timau
Estatus
Atras denominacions	{{{atras denominacions}}}
Charradors	2.200
Oficial en
Reconoixiu en	{{{reconoixiu}}}
Regulau por
Vitalidat	Baixa
Literatura
Escritors principals
Rasgos dialectals	Baverán meridional
Clasificación lingüistica
Indo-europea Chermanica Chermanica occidental Altochermanica Altochermanica superior Baverán Baverán meridional Cimbrio
Codigos
ISO 639-1
ISO 639-2
ISO 639-3	cim
SIL

O cimbrio u quimbro (en baverán Zimbrisch) ye o nombre con que se conoixe a una serie de variedatz dialectals locals de l'idioma baverán charradas en o noreste d'Italia. Encara que se gosa clasificar como dialecto austro-baverán bi ha fuents que sinyalan un posible orichen d'ista luenga en o ya extincto idioma longobardo que se charraba por ista zona y que bell autor clasifica adintro d'as luengas altochermanicas superiors.

As suyas diferencias tanto en gramatica, como en vocabulario y pronunciación lo fan quasi de tot inintelichible ta os fablants d'alemán stándard u baverán. A influencia d'as variedatz vecinas d'o italiano en o cimbrio ha estau prou gran.

Historia

O primer rechistro d'as migracions de baverans enta Verona data d'arredol de l'anyo 1050 (Bayerische Staatsbibliothek Cod. lat. 4547). Os movimientos migratorios continoron mientres os siglos XI y XII.

A teoría de l'orichen longobardo d'os cimbrios fue proposada en 1948 por Bruno Schweizer y atra vegada en 1974 por Alfonso Bellotto. O debate tornó a revivir-lo en 2004 o lingüista cimbrio Ermenegildo Bidese. A mayoría de lingüistas manimenos contina esfendendo a hipotesi d'as migracions medievals (sieglos XI y XII).

A presencia de comunidatz chermanofonas en Italia fue descubierta por os humanistas italianos en o sieglo XIV, qui los asocioron con os cimbrios, pueblo que plegó a la rechión en o sieglo II aC, estando por ixas envueltas quan s'adoptó l'actual endonimo (Zimbar).

Dialectos

Bi ha tres dialectos prencipals d'o cimbrio en:

• as Siet Comunas (Siben Komoin), actualment nomás en a localidat de Roana (Robàan).
• en Luserna (Lusern), en o Trentino.
• en as Tretze Comunas (Dreizehn Komoin), actualment nomás en a localidat de Giazza (Ljetzan)
• bella localidat d'os Alpes carnicos como Sappada, Sauris y Timau.

En l'actualidat o cimbrio ye en grieu periglo d'extinción debiu d'una man a o stándard italiano que ye a luenga que se fa servir por un regular en a vida publica, y d'atra a la luenga rechional, l'idioma veneciano. S'estima que bi ha arredol de 2.220 parlants de cimbrio.

En o Trentino, d'alcuerdo con o censo de 2001, o primero en que se rechistró a luenga materna d'os censaus, o cimbrio yera charrau por a mayoría d'a población de Luserna (267 personas, o 89.9%). En atros municipios d'o Trentino dica 615 personas declaroron charrar o cimbrio, un total de 882 personas en Trentino.