Barranco de Los Leiteros

De Biquipedia
Ir a la navegación Ir a la búsqueda
Barranco de Los Leiteros
Administración
País Flag of Aragon.svg
Municipios por a on pasa Zaragoza
Cheografía
Longaria n/d km
Altaria d'o naixedero 469 m
Naixedero Hoya García
Desembocadura río Ebro

O barranco de Los Leiteros ye un barranco aragonés d'a Val de l'Ebro que naixe en os monts de Lo Castellar, pasa por o lugar d'Alfoceya, y desemboca en a marguin cucha d'o río Ebro, desauguando en o Galacho de Chuslivol.

O barranco naixe en o parache de Lo Castellar, concretament en a zona cartografiata como Hoya García, dintro d'o Campo de Maniobras y Tiro de Sant Gregorio, y lo municipio de Zaragoza. En o suyo recorrido reculle as auguas d'os barrancos de Puiamarillo, Putinaja, Manantial Alto, Val del Pozo, Val del Toro, Val del Castellar y Val de Puisemilla por a suya marguin dreita, y Val de fríos, Val de conche, Val de Arranca Pedos, Santa Ana, Los Toros, Bonete y Val de Villanueva por a suya marguin cucha, principalment.

O suyo cauz ye en quasi la suya totalidat deixato en condicions naturals por a existencia d'o campo militar. A l'altaria d'o lugar d'Alfoceya ye encauzato artificialment, por a peligrosidat d'as suyas barrancadas, producitas por as tronadas en o suelo d'o mont, d'orichen calsiner y chesero.

Puet veyer-se un platero exemplo d'erosión remontant en o cauz meyo-baxo d'o barranco, poco antis d'a localidat d'Alfoceya.

Figuras de protección[editar | editar código]

Se veiga tamién[editar | editar código]