Barbara Hershey

Barbara Hershey
L'actriz estausunidense Barbara Hershey, en una imachen de 2016.
Información cheneral
Nombre real	Barbara Lynn Herzstein
Calendata naiximiento:	5 de febrero de 1948
Puesto naiximiento:	Los Angeles (California, Estaus Unius)
Ocupación:	Actriz
Pai:	Arnold Nathan Herzstein
Mai:	Melrose Moore
Conchuche:	David Carradine (1968–1975, parella) Stephen Douglas ​(1992-1993, esvurcio) Naveen Andrews (1998–2009, parella)
Fillos:	1
Premios Oscar
Premio Oscar a la Millor Actriz Segundaria: -1997: Nominada por The Portrait of a Lady
Globos d'Oro
Premio Globo d'Oro a la Millor Actriz en Miniserie de Televisión u Telefilm: -1991: por A Killing in a Small Town Premio Globo d'Oro a la Millor Actriz Segundaria: -1989: Nominada por The Last Temptation of Christ -1997: Nominada por The Portrait of a Lady
Premios BAFTA
Premio BAFTA a la Millor Actriz Segundaria: -1997: Nominada por Hannah and Her Sisters -2011: Nominada por Black Swan

Barbara Hershey (nombre artistico de Barbara Lynn Herzstein, en primerías d'a suya carrera acreditada como Barbara Seagull), naixida de Los Angeles (California, Estaus Unius) o 5 de febrero de 1948, ye una actriz estausunidense, activa en o cine estausunidense dende meyaus d'os anyos 1960 y con cuantos premios recibius mientres a suya carrera cinematografica.

D'entre la suya filmografía, se pueden mencionar bellas cintas a on i ha treballau, como Last Summer (1969, Frank Perry), Love Comes Quietly (1973, Nikolai van der Heyde), The Last Hard Men (1976, Andrew V. McLaglen), The Entity (1982, Sidney J. Furie), Hannah and Her Sisters (1986, Woody Allen), The Last Temptation of Christ (1988, Martin Scorsese), The Public Eye (1992, Howard Franklin), Last of the Dogmen (1995, Tab Murphy), Lantana (2001, Ray Lawrence), Uncross the Stars (2008, Kenny Golde), Insidious (2010, James Wan), The Manor (2021, Axelle Carolyn), u Strange Darling (2023, JT Mollner).

Premios

Premios Oscar

En l'anyo 1997, mientres a 69^ena edición d'os Premios Oscar, Barbara Hershey recibió una nominación a lo Premio Oscar a la Millor Actriz Segundaria por o suyo papel de "Madame Serena Merle" en The Portrait of a Lady, una cinta dirichida por Jane Campion.

Premios BAFTA

Recibió dos nominacions a lo Premio BAFTA a la Millor Actriz Segundaria: l'anyo 1987 (40^ena edición d'os Premios BAFTA) por a interpretación de "Lee" en Hannah and Her Sisters, dirichida por Woody Allen; y en 2011 en a suya 64^ena edición por o suyo papel como "Erica Sayers" en a cinta Black Swan, dirichida por Darren Aronofsky.

Premios Globos d'Oro

En a 48^ena edición d'os Premios Globos d'Oro, escaicida en 1991, ganó un Premio Globo d'Oro a la Millor Actriz en Miniserie de Televisión u Telefilm por o suyo papel de "Candy Morrison" en A Killing in a Small Town, un telefilm dirichiu por Stephen Gyllenhaal.

En a categoría d'o Premio Globo d'Oro a la Millor Actriz Segundaria recibió dos nominacions: en 1989 en a 46^ena edición d'os premios por o suyo papel de "María Malena" en a cinta The Last Temptation of Christ, dirichida por Martin Scorsese; y en 1997 en a suya 54^ena edición por o papel papel de "Madame Serena Merle" en a cinta The Portrait of a Lady, dirichida por Jane Campion.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Barbara Hershey.

Vinclos externos

• Se veigan as imáchens de Commons sobre Barbara Hershey.
• (en) Barbara Hershey en Internet Movie Database.

• Datos: Q229042
• Multimedia: Barbara Hershey / Q229042