Bandido (cinta de 1956)

Iste ye un articlo sobre una cinta de cine de western estausunidense de l'anyo 1956; ta atros usos, se veiga Bandido (desambigación) y Bandido (cinta).

Bandido
Títol	Bandido
Póster d'a cinta.
Ficha tecnica
Dirección	Richard Fleischer
Aduyant de dirección	Virgil Hart
Dirección artistica	Jack Martin Smith
Producción	Robert L. Jacks
Guión orichinal	Earl Felton
Musica	Max Steiner
Soniu	José B. Carles
Fotografía	Ernest Laszlo
Montache	Robert Golden
Maquillache	Layne Britton
Efectos especials	Roscoe Cline Abel Contreras
Actors	Robert Mitchum Ursula Thiess Gilbert Roland Zachary Scott Rodolfo Acosta José Torvay Henry Brandon Douglas Fowley Victor Junco Alfonso Sánchez Tello Arturo Manrique José Ángel Espinoza Margarito Luna Miguel Inclán
Color	Cinemascope Color by Deluxe
Datos y cifras
País(es)	Estaus Unius
Anyo	1956
Estreno	Setiembre de 1956 Estaus Unius
Chenero(s)	Cine de western
Durada	92 min.
Idioma(s)	Anglés Alemán Castellano
Companyías
Productora(s)	Bandido Productions
Distribución	United Artists
Estudio(s)	Estudios Churubusco
Recauto	1.650.000 dólars
Informacions en bases de datos especializadas:

Bandido (títol orichinal en castellano, en aragonés Bandiu, estrenada en Aragón con o suyo títol orichinal) ye una cinta de cine de western de cine estausunidense estrenada l'anyo 1956, dirichida por Richard Fleischer seguntes un guión orichinal de Earl Felton, con una banda sonora orichinal de Max Steiner, una dirección de fotografía d'Ernest Laszlo y una producción cinematografica de Robert L. Jacks ta la productora cinematografica Bandido Productions. Conta con un elenco formau por Robert Mitchum, Ursula Thiess, Gilbert Roland, Zachary Scott, Rodolfo Acosta, José Torvay, Henry Brandon, Douglas Fowley, Victor Junco, Alfonso Sánchez Tello, Arturo Manrique, José Ángel Espinoza, Margarito Luna y Miguel Inclán, entre d'atros actors.

En 1916, mientres a Revolución Mexicana, Wilson dentra en Mexico dende los Estaus Unius y se rechistra como huespede en un hotel en bel meyo d'una batalla. Ha dentrau en a ciudat con unas pocas granadas Mk2 y las fa servir ta aduyar a que lo coronel Escobar, qui manda a los revolucionarios, redote a las tropas regulars mexicanas. Recibe los aponderamientos d'os soldaus revolucionarios y li ufre a Escobar subministrar-le armas, a cambio d'a metat d'o botín que consiga, pero Escobar no accepta. Pero cuan iste torna redotau, Wilson li explica que sabe que un traficant d'armas estausunidense, Kennedy, poseye un gran cargamento d'armas destinadas a lo cheneral Lorenzo y que pueden apoderar-se'n. Pero Kennedy lis para una trampa ta que caigan como gurrions, dixando como hostache a su muller, por qui Wilson ye intresau. Ta salvar-la y soposando que Kennedy para una trampa, fa que Escobar acccepte un cambio de plans: Kennedy será qui quede como hostache y Wilson, la muller y un chicot grupo de revolucionarios marchan enta las armas. Cuan como soposaba Wilson se tractaba d'una trampa, iste salva a la muller, pero contina intresau en subministrar las armas a Escobar, asinas que se dixa capturar por os revolucionarios que lo consideran un traidor ta conseguir que Kennedy li confiese a on se troban en realidat as armas dabant d'o suyo imminent fusilamiento.

Bandido s'ambienta en l'anyo 1916 en Mexico mientres a Revolución Mexicana y las suyas escenas se filmoron en Torreón (Coahuila), Cuernavaca, Tepoztlán y Yautepec (Morelos), Bavispe (Sonora), Acapulco de Juárez, Iguala de la Independencia y Taxco (estau de Guerrero) y en o estau de Durango en Mexico, amás d'en os Estudios Churubusco en Ciudat de Mexico (estau de Mexico).

Elenco

Actor	Papel	Notas
	'

Se veiga tamién

• Cine en 1956.
• Cintas de 1956.

Vinclos externos

• (en) Bandido en Internet Movie Database.
• (en) Kramer vs. Kramer en TCM Movie.

• Datos: Q2882331