Balneyario de Segura de los Banyos

De Biquipedia
Ir a la navegación Ir a la búsqueda
Segura de los Banyos
Balneyario de Segura de los Banyos.jpg
Balneyario de Segura de los Banyos
Situación cheografica
Estato
País Flag of Aragon.svg Aragón
Comarca Cuencas Meneras
Situación Segura de los Banyos
Adreza
Altaria 1.122 m
Servicios
Auguas Silicatatas y ferruchinosas
Fuents
Ríos río Aguas
Lacos {{{lacos}}}
Ubierto Zarrato actualment
Servicios NPS map symbol trailhead.png Pictograms-nps-food service-2.svg Pictograms-nps-lodging-2.svg
Premios
Construcción
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Localización
Segura de los Banyos en Aragón
Segura de los Banyos
Segura de los Banyos
Situación de Segura de los Banyos en Aragón
Pachina web

O balneyario de Segura de los Banyos ye un antigo balneyario aragonés situato en o municipio de Segura de los Banyos, en a comarca d'as Cuencas Meneras. As instalacions termals se troban situatas a 5 km d'a localidat de Segura de los Banyos, a cantos d'o río Aguas. Actualment o balneyario ye en desuso, pero bi ha obras ta reubrir-lo a o publico con nuevas instalacions[1].

Historia[editar | editar código]

No se sabe guaire bien quan prencipioron a emplegar-se istas auguas con fins terapeuticas, pero o primer edificio d'a zona estió un santuario en honor a Sant Remón que se construyó astí en l'anyo 1716. Poco dimpués se construyo a dita "Casa del Rincón" chunto a l'armita y mas entabán atro edificio entre o río y o camín de Segura. Por ixas envueltas as auguas no se feban servir ta banyar-se, ya que no existiban garra edificio ta ista función, pero sí que s'emplegaban ta beber-ne. Os malautos s'amanaban enta a zona ta pillar l'augua dreitament en os manantials.

Ascape o capitol de Segura, que heba construyito l'armita, construyó una nueva edificación, a "Casa d'o Puent", que serviría t'acullir as instalacions balneyarias. Asinas, pillando l'augua d'un manantial la levaban enta a casa por un conducto de tellas y la repartían entre quatre banyeras. Amás como a temperatura de l'augua no yera guaire alta se gosaba fer calentar en una caldera, ta que asinas os clients podesen tener-la a una buena temperatura.

Bell anyo dimpués una creixita d'o río espaldó parcialment a "Casa d'o Puent", mas que mas a planta baixa a on se trobaban as banyeras y as canyerías que levaban l'augua. Alavez se decidió de fer un atro edificio nuevo chunto a o río, dito actualment "Casa d'as Pilas Viellas", recullindo l'augua de mas manantials. Ista nueva casa, d'un solo piso, se dividiva en quatre partis con dos seccions cadaguna. En una parti os banyistas podeban espullar-se y chitar-se en o leito dimpués d'o banyo y en l'atra se trobaban as banyeras u pilas. Chunto a ista casa se construyó mas tardi atra, dita "Casa d'a Fuent", que reculle as auguas d'un nuevo manantial d'a marguin dreita d'o río Aguas. Posteriorment, se construyó chunto a l'armita a "Casa Fonda", un edificio destinato a servicios d'hostelería a on se daba tamién alochamiento.

Mientres a Primera Guerra Carlista (1833-1840), Ramón Cabrera se refuchió en Segura de los Banyos, habendo-ie un setio que duraría dica a rendición d'iste o 29 de febrero de 1840 debant d'as tropas d'o Duque d'a Victoria. O lugar fue quasi estricallato de tot y os banyos incendiatos, cremandose as casa d'o rincón y a hospedería.

Auguas y tractamientos[editar | editar código]

As auguas d'o balneyario salen de dica cinco manantials diferents y son auguas bicarbonatatas. Belunas d'istas auguas son silicatatas y tienen una temperatura de 23ºC y atras son ferruchinosas y salen a 17ºC.

As propiedatz d'as auguas de Segura encluyen a curación d'os reumatismos y bella malautía ocular.

Referencias[editar | editar código]

Vinclos externos[editar | editar código]


Balneyarios d'Aragón Reytan Map 17.png
Arinyo | Benás | Camarena | Camporrells | Cantarero | Guallardo | Manzanera | Sant Roque | Serón | Sicilia | Pallarés | Pandicosa | Paracuellos | Las Vilas | A Virchen

Antigos: Arro | Banyos Nuevos | Estadilla | Fonté | Quinto | A Salut | Segura de los Banyos