Val de Viadors

De Biquipedia
(Reendrezau dende Bal de Biadós)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo parla sobre la val de Viadors. Pa atros emplegos d'iste toponimo se veiga Viadors.
Esta fuella ye escrita en chistabín.
Val de Viadors
Valle de Viadós
Viadors en mirando ta la Lardana.
Administración
Estau
País Aragón
Comarca Sobrarbe
'
'
Cabecera {{{cabecera}}}
Capital
Localidatz {{{localidatz}}}
Chentilicio
Cheolochía
Acceso
Ríos Río Cinqueta
Largaria
Orientación Norte-Sud
Cheolochía
Tipo
Macizo Pireneus
Mapa

La val de Viadors, que bela vez se troba encara escrito en grafía castellana como Viadós u Biadós per cómo sona, ye el nombre como se diz a'l sector más alto de la val d'el río Cinqueta, dende aon s'achunta el Cinqueta d'Anyes Cruces con el Cinqueta de la Pez y hasta aon que s'enfaixona el río pe'l congosto que l'ha de lievar ta el puent d'es Pecadors, puesto aon s'ubre ya el curso y prencipia la val de Chistau.

Viadors ye una zona ubierta y solana entre montanyas bien altas que se troba dezaga d'el dito congosto, y es chistabins, es habitants de la val de Chistau, la emplegaban pa feners y bel atro cautivo, como trunfas, que dimpués s'almagazenaba en as bordas que i son. Tamién yera un puesto de paso d'es camins que diban dende Chistau en ta Francia y per ixo, cómo no, se i va fere muto contrabando. Agora Viadors s'emplega más que más pa fer paixentare el bistiar. I hai una ermita, que en dicen la Virgen Blanca. Tamién i ha un cámping y la cabana de Viadors pa es montanyers y es excursionistas que s'arriman.

Las montanyas más altas que se veyen dende Viadors son, en sentiu horario y comenzando a las seis: el pico de l'Orbar y el collau de la Cruz de Guardia, el pico de la Parda, la Suelsa, l'Ordiceto, la tuca Blanca, la punta Cabalera, la Culfreda, la Vachimala, la Lardana y la Lardaneta y la punta Alta d'es Leners ya en rematando. Qualcunas d'estas montanyas pasan t'alto d'es 3000 metros. Tamién son a saber qué vistables el Montó, arronchadet y tapau de selva de pins negros, y el puntal de Barrau con la suya forma de cilindro.

Se veiga tamién[editar | modificar o codigo]