Axkenazís

De Biquipedia
Ir ta: navego, busca
Axkenazís
יהודי אשכנז
Gottlieb-Jews Praying in the Synagogue on Yom Kippur.jpg
Axkenazís
Población total
8 - 11,2 millons
Rechions con comunidatz importants
Flag of the United States.svg Estatos Unitos 5-6 millons
Flag of Israel.svg Israel 3-4 millons
Flag of Russia.svg Rusia 500.000
Flag of Argentina.svg Archentina
Relichión
Chudaísmo
Pueblos relacionatos
Sefardís

Os axkenazís son os chodigos que plegoron ta Polonia y Lituania dende Alemanya. Con o tiempo yeran presents en muitos países d'Europa Oriental buegants con a Unión Polaco-Lituana u resultato d'anexions territorials de territorios d'esta unión. Siguioron mantenendo un luengache d'orichen chermanico, o yídix. Dende a gran aria que ocupaban en Europa Centro-Oriental, tornoron a emigrar ta Europa Occidental y dimpués America, atros países colonizatos por os europeus y finalment Israel. Huei os axkenazís son os chodigos con mayor poder politico y economico en Israyel y Estatos Unitos.

Etnonimo[editar | editar código]

O termin axkenazí tien o suyo orichen en Axkenaz y en o asirián asguzai, un bisnieto de Noé, (Asenos en o "Libro d'el Trasoro", Ασκενάζ en griego). L'antroponimo Axkenaz sonaba pareixito a Saxonia y fue asimilato a Alemanya en tiempos medievals, d'astí que os chodigos chermanofonos encomenzasen a dicir-sen asinas.

Luenga[editar | editar código]

Gnome-searchtool.svg
Ta más detalles, veyer l'articlo Yídixveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os axkenazís mantenioron en Polonia-Lituania o uso d'a suya luenga alemana o yídix, que sustituyó a luengaches eslavos que charraban os pocos chodigos que i heba, como por eixemplo o canaanita eslavo de Bohemia. O yidix ye basicament l'antigo alemán renán aturato en evolución en relación a l'alemán actual y con parabras d'atros orichens. Os chogidos axkenazís d'o Imperio Ruso fuoron deixando o yidix y prenioron a luenga rusa dende o sieglo XIX.

Historia[editar | editar código]

Orichen[editar | editar código]

Bi ha referencias escritas que indican que en l'anyo 321 ya i heba chodigos en Colonia.[1] En o Imperio Carolinchio os chodigos teneban una important presencia en Renania (Maganza, Worms, Espira), en Campanya y Narbona.

Quan en 1096 a primera cruzata pasa por o sur d'Alemanya bi ha pogroms en bellas ciudatz alemanas. A situación d'os chodigos se fa peyor. En 1290 son forachitatos d'Anglaterra, en 1291 de Francia y de bells estatos alemans. A mayoría d'os chodigos d'Alemanya y Francia s'establix. En Prusia Oriental perseguiban a los chodigos en 1309, y dica o sieglo XVI los vichilaban.

Os chodigos arriban en Polonia[editar | editar código]

A presencia chodiga en Polonia ye documentata ye en 1098, quan por a Primera Cruzata fuoron forachitatos de Bohemia.[1] En o sieglo XIII puyó con enchaquia d'a invasión mongol: facioron servir a chodigos alemans de repobladors u de dinamizadors d'a economía.[1] As persecucions d'o sieglo XIV y XV trayoron nuevas poblacions chodigas. Casimiro lo Gran de Polonia dixó que os chodigos d'establisen en o suyo reino baixo un estatuto protector, eixemplo seguito dimpués por o Gran Duque de Lituania Vytautas. Os chodigos rematoron esdevenindo una clase meya entre a nobleza y os siervos con gran importancia en a economía y administración. Encara que i hese una protección, i heba un antisemitismo important. En 1490 os chodigos fuoron forachitatos de Cracovia.[1] Bellas ciudatz teneban o privilechio de no admitir chodigos.[1] Quan a Unión Polaco-Lituana cayó en decadencia, os chodigos, como part d'o sistema politico-social, en sufrioron as consecuencias.

En o sieglo XVI, o sieglo d'oro d'os polacos estió a millor epoca pa os chodigos axkenazís. O rei Estanislau Augusto en 1551 conzedió a los chodigos a una carta que reconoixeba l'autonomía de lurs institucions locals, rechionals y nacionals.

Decadencia[editar | editar código]

En 1646, quan os Cosacos zaporozhians y a población d'orichen rutén se sulevoron, sulevación conducita por Bogdan Khmelnitski. Bi habió muitas mortaleras en Ucraína durant dos anyadas, contra a población de relichión catolica y, encara con más violencia, contra os chodigos. Alto u baixo, morieron arredol de 100.000 chodigos.,[2] d'alcuerdo con os cronistas chodigos. As mortaleras de Khmeliniski estioron un precedent d'atras que se producirían en o futuro en os chodigos d'Europa Centro-Oriental. Bi habió más mortaleras contra os chodigos quan a invasión d'a Republica d'as Dos Nacions dende 1654 dica 1656 por os exercitos rusos, que creyeban que os chodigos yeran aliatos d'os polacos. En o sieglo XVII, amés d'os pogroms obra d'os cosacos, a invasión sueca fa que i haiga una decadencia economica y que s'empobreixca o estato (que ya no puet protecher tanto a los chodigos). Bi ha un creiximiento demografico en tota Europa y tamién en a comunidat chodiga. O resultato de tot ixo estió un refluxo de chodigos axkenazís t'Alemanya y atros países d'Europa Occidental on tornaba a haber-ie chuderías por a inmigración sefardí. Manimenos a población chodiga de Polonia y países buegants no deixó de crexer y dica meyatos d'o sieglo XIX en as arias d'Europa centro-oriental antigament polacas i yera a metat d'a población chodiga mundial.[3]

Poquet a poquet en Alemanya os estatos chicotz readmitiban chodigos. En Alemanya quan a Guerra d'as Trenta Anyatas (1618-1648) permitioron a los chodigos de residir en as ciudatz grans, y dende ixe inte os axkenazís encomenzoron a concentrar-sen en as ciudatz (enantes yeran més ixemenatos). A guerra dio a los chicotz comerziants una oportunidat d'enriquir-sen con productos relacionatos con o exercito, (o suministro d'armas estió una ocupación tipicament chodiga en tota Europa y dica en America dica principios d'o sieglo XVIII).[3]

En tiempos de puyata demografica, de presión demografica, os terratenients podeban coaccionar a los chodigos pa que esdevenisen siervos a cambeyo de protección contra l'antisemitismo. Amanixió o solo campesinato chodigo d'Europa. En o sieglo XVIII un tercio d'os chodigos viviban en o campo.[1] Polonia-Lituania en o sieglo XVIII as aldeyas d'os campesins chodigos yeran conoixitas como shtetl), y tamién i heba chodigos en as ciudatz formando una burguesía.

En o sieglo XIX os cambeyos economicos empentoron a muitos chodigos rurals a los guetthos urbans, y contina o creximiento demografico. En 1800 o 45% d'os chodigos europeus viviban en l'antiga Polonia-Lituania, y en 1880 o 75%.

  • Os chodigos axkenazís que yeran en o territorio prusián s'integroron d'alto u baixo bien en a sociedat alemana (o fenomeno dito confesionalización) y van cambeyando o yidix por l'alemán standard.
  • Os chodigos d'a Galitzia Austriaca consiguen en 1868 a igualdat de dreitos, os chodigos rurals se mantienen lurs tradicions u emigran y os chodigos burgueses se confesionalican a l'egual que en Alemanya.
  • En o Reino d'o Congreso os chodigos rurals emigran muito ta unas ciudatz que tienen un desembolique industrial y demandan man d'obra. Esto produce cambeyos en as estruturas tradicionals. En as ciudatz o proletariato chodigo que se concentra en guettos tien mayor tendencia que o proletariato polaco a puyar socialment ocupando treballos en o comercio, artesanía u servicios. En 1881 bi ha un Pogrom en Varsovia.
  • En Rusia o zar Nicolau I preba de rusificar a los chodigos axkenazís y conzentrar-los en as ciudatz. O zar Aleixandre II no ye tan cerrino en estas politicas pero dende 1881 torna a haber-ie un antisemitismo y en 1887 bi ha numerus clausus en os instituos y universidatz y en 1889 lis prohiben l'acceso a bellas profesions. Muitos chodigos emigran, atros se consesionalizan y prenen a luenga rusa, En 1897 amaneix o partito Bund, que combina socialismo y defensa de lur identidat etnica en as comunidatz chodigas de Polonia, Lituania y Rusia. O suyo lema ye "ni l'asimilación ni a emigración, luitaremos en o país con os treballadors y os socialistas d'atros grupos nacionals que viven en Rusia".

A principios d'o sieglo XX en l'antiga Polonia-Lituania i heba 5 millons de chodigos, con entre 2,5 y 3 millons en o estato polaco independient de Polonia dimpués d'a primera Guerra Mundial.

A revolución d'octubre reconoixe a l'inte a los chodigos a igualdat de dreitos civicos. En Ucraína a rada lis da una autonomía cultural. En a guerra civil en Ucraína de 1919-1921 i habió pogroms obra d'os ucranians y d'os rusos blancos.

Quan rematoron as guerras civils rusa y ucrainesa y muitos chodigos quedoron en a URSS muitos chodigos s'adaptoron a la nueva situación, asimilando-sen a los comunistas rusos, como Bronstein, que esdevinió Trotski, Apfelbaum, que esdebinió Zinoviev u Finkelstein que esdebinió Litvinov. En a URSS os chodigos fuoron consideratos una nacionalidat etnica, on cada vegata i heba menos etnofonos (parlants d'o yidix) y més alofonos (parlants d'o ruso).

En a Polonia d'entreguerras os chodigos no yeran consideratos ciudadans como os polacos, vistos como os propietarios d'o país independient. O tractato de Versalles estipulaba que os chodigos de Polonia tenesen protección, pero dende noviembre de 1918 i heba pogroms y o gubierno polaco denunció as clausulas de protección en 1934.

Os chodigos de Polonia en a invasión nazi[editar | editar código]

A fins de setiembre de 1939 os nazis adhiben o corridor de Posnan, a Silesia Polaca y una part d'o centro a lo Tercer Reich. O resto d'o territorio polaco ocupato esdevién o Gubierno Cheneral de Polonia. Os nazis preban de forachitar ta o Gubierno Cheneral a los chodigos y polacos que viviban en o territorio que s'adhibe a lo Reich ya en noviembre, con a intención de sustituir-los por alemans venitos d'a URSS (alemans balticos y alemans d'a Mar Negra venitos de Besarabia). En marzo de 1940 dimpués de tresladar 200.000 presonas t'a redolata de Lublin aturan as operacions por dificultatz d'organización.

Debant d'a imposibilidat de continar as deportacions ta o Gubierno cheneral encomienzan a concentrar a los chodigos en guettos que a sobén aislan d'as ciudatz con muros, como ye o caso de Varsovia y Lodz. A fins de 1941 totz os chodigos de Polonia son dentro d'os guettos u en campos de treballo, tanto os chodigos d'o Gubierno Cheneral, (con Galitzia Oriental, adhibita dimpués d'a invasión d'a URSS), como d'o territorio adhibito a lo Reich. En os guettos os chodigos viven en a pobreza, sin recursos economicos propios, y bi ha fambre y mortalera. Dende os guettos os chodigos serán ninviatos a campos d'exterminio.

Os chodigos d'a URSS quan a invasión nazi[editar | editar código]

Os nazis organizan quatre grupos d'intervención Einstatzgruppen, que van dezaga d'os soldatos que abanzan en o frent ruso y van fusilando a os chodigos que i troban. A fins de 1941 fan servir camions de gas. Os Einstatzgruppen fan una mortalera en Odesa en octubre de 1941 y dimpués en o barranco de Babi-Yar, (a man de Kiev) y en Crimea. Se calcula que en 1941 morioron 500.000 chodigos sovieticos y que 1.500.000 chodigos consiguioron de fuyir ta l'este. Os nazis tenioron a colaboración d'o exercito rumán y d'as milicias lituanas.

O exterminio contina en 1942 con a colaboración d'achents locals y a coordinación d'as SS que luitaban contra os partisans. A fins de 1942 quasi ya no bi ha chodigos en os territorios ocupatos d'a URSS.

Os chodigos de Polonia en tiempos d'o exterminio[editar | editar código]

En os territorios adhibitos a lo Reich os chodigos son amortatos dentro de camions de gas en o campo de Chelmno dende fins de 1941 dica marzo de 1943. A presencia d'un mainate chodigo peculiar en o gueto de Lodz que yera capaz de plegar a pactos con as autoridatz alemanas, que necesitaban os productos d'o treballo en o guetto permitió que este guetto durase dica verano de 1944, quan os alemans retaculaban debant d'os rusos y deportoron a los 70.000 zaguers supervivients t'o campo d'exterminio d'Auschwitz.

En o Gubierno Cheneral a operación Reinhard (aplicación d'o que se conoix eufemisticament como “solución final”) encomienza en marzo de 1942. Os chodigos d'o Gubierno Cheneral y os chodigos deportatos t'o Campo de Concentración de Maidanek (redolata de Lublin) en serán as victimas.

En a primera metat de 1942 bi ha tres campos con cambras de gas: Belzec, Sobibor y Treblinka. Dimpués n'instalan tamién en o Campo de Concentración de Maidanek, que esdevién atro campo d'exterminio. Os chodigos de Varsovia yeran ninviatos ta Treblinka. En 1943 bells chodigos pueden escapar-se'n de Treblinka y Sobibor, estando os pocos testimonios d'o escayeixito. En 1943 os alemans desmantelan de tot as instalacions de Belzec, Sobibor y Treblinka y i plantan arbols. Quan o exercito royo sovietico arribó en Maidenek en chulio de 1944 os soldatos i troboron encara instalacions d'exterminio.

Referencias[editar | editar código]

  1. 1,0 1,1 1,2 1,3 1,4 1,5 Felipe Fernández-Armesto. LOS HIJOS DE ZEUS. PUEBLOS, ETNIAS Y CULTURAS DE EUROPA. 1996 Grijalbo
  2. (fr)Gérard Nahon, Histoire du peuple Juif, Encyclopaedia Universalis, DVD 2007
  3. 3,0 3,1 Juan Ramón Azaola EL PUEBLO JUDÍO. ODISEA A TRAVÉS DE LOS SIGLOS. Folio. Ediciones del Prado.

Bibliografía[editar | editar código]