Avanti! (cinta)

Iste articlo ye sobre una cinta italo-estausunidense de cine de comedia romantica estrenada l'anyo 1972; ta atros usos, se veiga Avanti!.

Avanti!
Títol	Avanti!
Ficha tecnica
Dirección	Billy Wilder
Aduyant de dirección	Rinaldo Ricci
Dirección artistica	Ferdinando Scarfiotti
Producción	Billy Wilder Alberto Grimaldi Jack Lemmon
Guión adaptau	Billy Wilder I. A. L. Diamond
Basau en	Avanti!, obra teatral de Samuel A. Taylor (1968)
Musica	Carlo Rustichelli
Soniu	Basil Fenton-Smith Bill Varney Frank E. Warner
Fotografía	Luigi Kuveiller
Montache	Ralph E. Winters
Maquillache	Franco Freda Harry Ray
Peluquería	Adalgisa Favella
Casting	Isa Bartalini
Actors	Jack Lemmon Juliet Mills Clive Revill Edward Andrews Gianfranco Barra Franco Angrisano Franco Acampora Giselda Castrini Pippo Franco Giacomo Rizzo Antonino Faà di Bruno Yanti Somer Raffaele Mottola Harry Ray Ty Hardin Sergio Bruni
Color	Color by DeLuxe
Datos y cifras
País(es)	Estaus Unius Italia
Anyo	1972
Estreno	17 d'aviento de 1972 Estaus Unius 31 de marzo de 1973 Italia
Chenero(s)	Cine de comedia Cine de romance
Durada	140 min.
Idioma(s)	Anglés Italiano
Companyías
Productora(s)	Phalanx Productions Jalem Productions The Mirisch Corporation Produzioni Europee Associati
Distribución	United Artists
Presupuesto	2,75 millons de dólars
Recauto	1,5 millons de dólars
Informacions en bases de datos especializadas:

Avanti! (títol orichinal en italiano, en aragonés Enta debant!, estrenada en Aragón con o títol en castellano de ¿Qué ocurrió entre mi padre y tu madre? en aragonés Qué s'escaició entre mi pai y tu mai?) ye una cinta de cine de comedia romantica coproducida por o cine estausunidense y lo cine italiano estrenada en l'anyo 1972, dirichida por Billy Wilder seguntes un guión adaptau por él mesmo y por I. A. L. Diamond (basau en a obra teatral Avanti! de Samuel A. Taylor de l'anyo 1968), con una banda sonora orichinal de Carlo Rustichelli, una dirección de fotografía a lo cudiau de Luigi Kuveiller y una producción cinematografica de Billy Wilder, Alberto Grimaldi y Jack Lemmon ta las productoras Phalanx Productions, Jalem Productions, The Mirisch Corporation y Produzioni Europee Associati. Conta con un elenco d'actors formau por Jack Lemmon, Juliet Mills, Clive Revill, Edward Andrews, Gianfranco Barra, Franco Angrisano, Franco Acampora, Giselda Castrini, Pippo Franco, Giacomo Rizzo, Antonino Faà di Bruno, Yanti Somer, Raffaele Mottola, Harry Ray, Ty Hardin y Sergio Bruni.

Wendell Armbruster Jr. viacha enta Ischia (Ciudat metropolitana de Nápols) en Italia ta recullir-ie lo cuerpo de su pai, falleixiu en un accident de trafico en a isla, a on i viachaba cada anyo ta pasar as suyas vacacions. Mientres os zaguers 10 anyos viachaba enta lo Grand Hotel Excelsior ta practicar-ie banyos d'arguila por as suyas caracteristicas medicinals. En a zaguera part d'o recorriu ta plegar enta Ischia, Wendell troba de contino a Pamela Piggott, qui resulta a la fin que tamién viacha enta Ischia ta recuperar un atro cuerpo, lo de su mai Catherine. Finalment Wendell descubrue que istos zaguers 10 anyos, su pai viachaba enta Ischia nomás que ta trobar-se con a mai de Pamela, encara que él yera casau y su muller viviba en Baltimore. Pamela li proposa d'apedecar a los dos falleixius chuntos, cosa que a Wendell no li pareixe bien. Amás l'asperan en Baltimore ta fer-ie lo funeral, pero lo problema ye que los cuerpos han desapareixiu y creye que ha estau Pamela, ta conseguir apedecar-los chuntos. D'atra man, la muller de Wendell ha moviu as suyas influyencias ta que las autoridaz estausunidenses s'impliquen en o caso chusto cuan Wendell y Pamela pareixen prencipiar una relación, con a complicidat d'o propietario de l'hotel.

A cinta s'ambienta en a suya epoca actual (1972) en Ischia (Ciudat metropolitana de Nápols) en Italia; y las suyas escenas se filmoron en Capri, Ischia, Nápols y Surriento (Ciudat metropolitana de Nápols), Salerno (provincia de Salerno) y Fiumicino y Roma (Ciudat metropolitana de Roma) en Italia.

Se tracta d'una cinta que ha recibiu cuantos premios y nominacions, en destacando un Premio Globo d'Oro a lo Millor Actor de Musical u Comedia y atras cinco nominacions (Millor Cinta de Musical u Comedia, Millor Director, Millor Guión, Millor Actriz de Musical u Comedia, y Millor Actor Segundario) en 1973 mientres a 30^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1972.
• Cintas de 1972.

Vinclos externos

• (en) Avanti! en Internet Movie Database.
• (en) Avanti! en l'American Film Institute Catalog de l'American Film Institute.
• (en) Avanti! en Rotten Tomatoes.

• Datos: Q790207