Autochiro

De Biquipedia
Ir a la navegación Ir a la búsqueda
L'autochiro McCulloch J-2.

Un autochiro (d'o griego αὐτός y γύρος, "autochiro"), tamién conoixiu como que chirocoptero, ye un tipo d'helicoptero que utiliza un rotor sin potencia en autorrotación libre pa desembolicar a sustentación. L'empente enta debant se proporciona de forma independient, por meyo d'una helize accionada por motor. Si bien ye semellant a un rotor d'helicoptero en apariencia, o rotor de l'autochiro ha de tener aire fluyendo a traviés d'o disco d'o rotor pa chenerar rotación, y l'aire fluye enta alto a traviés d'o disco d'o rotor en cuenta d'enta baixo.[1]

L'autochiro estió inventau por l'incheniero espanyol Juan de la Cierva en un intento de creyar un avión que podese volar con seguranza a baixas velocidatz. Voló un por primera vegada o 9 de chinero de 1923, en l'Aerodromo de Cuatro Vientos en Madrit. L'autochiro de Cierva se considera o predecesor de l'helicoptero moderno. L'avión se pareixeba a l'avión d'ala fixa d'a epoca, con un motor y una helize amontaus en a parti debantera.

L'exito de l'autochiro atrayió l'intrés d'os industrials y, baixo licencia de Cierva en os decenios de 1920 y 1930, as interpresas de Pitcairn y Kellett facioron mas innovacions[2]. Os autochiros de zaguer modelo, inspiraus en os disenyos de Etienne Dormoy Buhl A-1 Autogyro y Igor Bensen, contan con un motor y una helize amontaus en a parti zaguera en una configuración d'empentador.

O termin Autogiro yera una marca rechistrada de Cierva Autogiro Company, y o termin chirocoptero (en anglés Gyrocopter) estió utilizau por E. Burke Wilford, qui desembolicó l'autochiro Reiseler Kreiser en a primera metat d'o sieglo XX. Iste zaguer termin estió posteriorment adoptau como que marca comercial por Bensen Aircraft.

Referencias[editar | modificar o codigo]

  1. (en) Leishman, J. Gordon (2006). Cambridge University Press, ed. Principles of Helicopter Aerodynamics. ISBN 978-0-521-85860-1.
  2. (en) Pitcairn-Cierva PCA-1A en o Museo Nacional de l'Aire y l'Espacio d'Estaus Unius