Auto electrico

De Biquipedia
Ir a la navegación Ir a la búsqueda
Tesla Model 3 ye l'auto electrico mas vendiu d'a historia.[1]

L' auto electrico ye un auto que se mueve propulsau solament con un motor electrico y que fa servir enerchía electrica almagazenada en pilas de combustible u baterías. Os autos que pueden funcionar tanto con motor electrico como de combustión se consideran autos hibridos.

A l'encomienzo d'o desembolique de l'auto arredol de 1900 y en o decenio siguient, os vehiclos electricos chugoron un paper important en o trafico d'a ciudat. Manimenos, estioron desplazaus per os abances en a construcción de vehiclos con motor de combustión interna y lo ret d'estacions de servicio. Recientement, en o decenio de 1990, tornó a aumentar a producción de vehiclos electricos. As baterías a pur de litio han estau alimentando vehiclos electricos dende prencipios d'o decenio de 2000.

En zaguerías de 2020, o numero mundial d'autos electricos yera de 10,91 millons. Isto corresponde a un aumento de quasi ueito vegadas en cinco anyadas y un creiximiento promeyo de 50,8 % per anyada.

La Jamais Contente estió lo primer vehíclo terrestre en superar os 100 km/h de velocidat en 1899. Yera un auto electrico propulsau per dos motors electricos de 25 kW de potencia.
O Lunar Roving Vehicle estió un auto electrico emplegau per os astronautas d'o programa Apollo entre las suyas misions en a superficie d'a Luna.

Os autos electricos tienen quantos beneficios en reemplazar os autos de motor de combustible interno, incluyida una reducción significativa d'a contaminación de l'aire local, ya que no emiten contaminants d'escape como componius organicos volatils, hidrocarburos, monoxido de carbonio, ozono, plomo y quantos oxidos de nitrochén. Igual que os vehiclos de motor de combustible interno, os autos electricos emiten particlas d'o desgaste d'os pneumaticos y os frenos que pueden danyar a salut,[2] encara que lo frenado rechenerativo en os autos electricos significa menos polvo de freno.

Seguntes o proceso de producción y a fuent d'electricidat pa cargar o vehíclo, as emisions pueden transferir-se parcialment d'as ciudatz a las plantas que cheneran electricidat y producen l'auto, asinas como a lo transporte de materials.[3] A cantidat de dioxido de carbonio emitiu depende d'as emisions d'a fuent d'electricidat y d'a eficiencia d'o vehíclo.

Beluns activistas y periodistas han expresau la suya preocupación per a manca percibida de l'impacto d'os autos electricos pa resolver a crisi d'o cambeo climatico en comparanza con atros metodos menos populars. Istas preocupacions s'han centrau en gran medida arredol d'a existencia de formas de transporte menos intensivas en carbonio y mas eficients, como a mobilidat activa, o transporte publico y los scooters electricos.[4]

Referencias[editar | modificar o codigo]

  1. (en) Tesla Passes 1 Million EV Milestone & Model 3 Becomes All Time Best Seller en cleantechnica.com
  2. (en) Baensch-Baltruschat, Beate; Kocher, Birgit; Stock, Friederike; Reifferscheid, Georg (setiembre de 2020). "Tyre and road wear particles (TRWP) - A review of generation, properties, emissions, human health risk, ecotoxicity, and fate in the environment". Science of the Total Environment. 733
  3. (en) Sperling, Daniel; Gordon, Deborah (2009). Two billion cars: driving toward sustainability. Oxford University Press. pp. 22–26. ISBN 978-0-19-537664-7.
  4. (en) Cycling is ten times more important than electric cars for reaching net-zero cities en theconversation.com