Athene noctua

De Biquipedia
Ir a la navegación Ir a la búsqueda
Athene noctua
Mochuelo Común ( Athene noctua )(1).jpg
Un muchuelo (Athene noctua).
Denominacions populars
muchuelo, muchelo, mochelo, mochuelo, mochuela, mochola, musol, muxol, muzol, grabé
Estato de conservación
Status iucn2.3 LC.svg
Seguro (IUCN)
Clasificación scientifica
Animalia
Chordata
Aves
Strigiformes
Strigidae
Athene
A. noctua
Descripción
Athene noctua
Scopoli, 1769
Distribución cheografica
AtheneNoctuaIUCN.svg
Distribución d'o muchuelo.

O muchuelo[1] (Athene noctua (Scopoli, 1769)[2]) ye una au d'a orden d'os Strigiformes y familia Strigidae que gosa mesurar 22 centimetros de luengo con una envergadura de 56 centimetros pa totz dos sexos, y pesa alto u baixo 180 gramos.

A distribución ye muit extendida en Europa, Asia y lo norte d'Africa. A suya aria de distribución en Eurasia s'extiende dende a Peninsula Iberica y Dinamarca enta l'este dica China y enta o sud dica l'Himalaya. En Africa ye present dende Mauritania dica Echipto, a Mar Roya y Arabia. L'au s'ha introduciu en Nueva Zelanda y en o Reino Uniu.

Ista ye una especie sedentaria que se troba en campo ubierto en una gran variedat d'habitats. A vegadas s'aventura en lugars y rabals.

S'alimenta de presas como insectos y leremicos de tierra, asinas como de chicotz vertebraus como amfibios, reptils, aus y mamifers.

Ye territorial y lo masclo per un regular remaneix en un territorio de per vida. Manimenos, as buegas pueden expandir-se y contrayer-se, estando mas grans en a temporada de parada nupcial en primavera. Lo rango en o qual l'au realment busca virolla vareya seguntes o tipo d'habitat y la epoca de l'anyo. Os muchuelos con arias de distribución que incorporan una gran diversidat d'habitats son muito mas chicotz (< 2 ha) que os que se reproducen en tierras de cautivo monotonas (con arias de distribución de mas de 12 ha).

Tien una esperanza de vida d'uns 16 anyos.

Lo muchuelo ye estreitament asociau con a diosa griega Atenea y a diosa romana Minerva, y per lo tanto represienta a sabiduría y la conoixencia.

Se pensaba que a clamada d'un muchuelo i heba anunciau l'asasinato de Chulio César.[3]

Subespecies[editar | modificar o codigo]

  • A. n. vidalii (Brehm, AE, 1857)
  • A. n. noctua (Scopoli, 1769)
  • A. n. indigena (Brehm, CL, 1855)
  • A. n. lilith (Hartert, E, 1913)
  • A. n. bactriana (Blyth, 1847)
  • A. n. orientalis (Severtsov, 1873)
  • A. n. ludlowi (Baker, ECS, 1926)
  • A. n. impasta (Bangs & Peters, JL, 1928)
  • A. n. plumipes (Swinhoe, 1870)
  • A. n. glaux (Savigny, 1809)
  • A. n. saharae (Kleinschmidt, 1909)
  • A. n. spilogastra (Heuglin, 1863)
  • A. n. somaliensis (Reichenow, 1905)

Referencias[editar | modificar o codigo]

  1. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.116
  2. (en) https://www.iucnredlist.org/species/22689328/155470112
  3. (en) Eason, Cassandra (2008). Fabulous Creatures, Mythical Monsters, and Animal Power Symbols: A Handbook. Westport, CT: Greenwood Publishing Group. p. 71. ISBN 978-0-275-99425-9.

Vinclos externos[editar | modificar o codigo]