Asphodelus albus

*Asphodelus albus*
Asphodelus albus
Denominacions populars
olzo / onzo, garbo
Clasificación cientifica
Reino:	Plantae
Subreino:	Tracheobionta
División:	Magnoliophyta
Clase:	Liliopsida
Subclase:	Liliidae
Orden:	Asparagales
Familia:	Xanthorrhoeaceae
Subfamilia:	Asphodeloideae
Chenero:	Asphodelus
Especie:	Asphodelus albus
Descripción
Asphodelus albus Mill.,

L'olzo^[1]^{[nota 1]} u garbo^[1] (nombre cientifico Asphodelus albus) ye una especie de planta herbacia d'o chenero Asphodelus y d'a familia Xanthorrhoeaceae.

Características

Puet plegar dica os 200 cm d'altaria, encara que isto puet variar muitismo seguntes a disponibilidat d'augua. Tien un unico tallo recto, refirmau en radices tuberosas. As fuellas naixen a partir d'a base d'o tallo; son luengas y acanaladas, de superficie cerulia. As flors apareixen entre mayo y agosto en a suya rechión nativa; son hermafroditas, actinomorfas, hexapetalas, y se van chuntando mientres puya por o tallo, que rarament se troba ramificau, dica plegar ta l'ápex a on son en carrazos u mas agrupadas. Os fruitos suyos son capsulas ovoides, ubicadas a o cabo de curtos pedunclos, de color sorenya que s'ubren en tres partis en madurar.

Habitat

Se desarrolla en pastizals, praus y monts de secano bien solaneros. Floreixe dende zaguerías de marzo dica primerías de verano en que s'ixuta. Son d'as primeras plantas que salen en un mont de carrascal cremau, pues as suyas radices aguantan muito a calor. En os monts a on abundan os chabalins ye prou difícil de veyer pues les fa firme goyo minchar-se-la.