As Cortz (desambigación)

De Biquipedia
Ir a la navegación Ir a la búsqueda

As Cortz (pronunciau /as'korθ/, como si estás "Ascorz") u las Cortz (/las'korθ/, como "Lascorz") ye un toponimo propio de l'Alto Aragón, mas común en as comarcas de Sobrarbe y a Ribagorza, en a provincia de Uesca, a on que se troba representau en o nombre de qualques aldeyas, pero tamién en bell barranco y partida de campos u mont.

Por un fenomén d'intercambeo de consonants (metatesi), podría estar a orichen d'unatro toponimo, menos freqüent, pero tamién repetiu en a cheografía d'ixas comarcas: «Salcortz» (leiga-se como "Salcorz").

O toponimo tiene a suya radiz en estar o plural de cort (d'o latín <COHORTE), un tipo de construccions d'uso ganadero. En iste sentiu, os toponimos as Cortz son corradicals (comparten a mesma radiz) con os toponimos a Cort, de os quals en son simplament un plural morfolochico.

L'apelliu sobrarbenco Lascorz ye, probablement, un apelliu d'oríchens toponimicas que dimana d'un (u mas d'un) nuclio de población con iste nombre, que pueden estar actuals u haber desapareixiu en o pasau.

Ribagorza[editar | editar código]

  1. As Cortz, aldeya d'o municipio d'a Foradada d'o Toscar, en a muga con o Sobrarbe por a parte de a Fueva.
  2. Castiello d'as Cortz de Foradada, un antigo castiello, actualment desapareixiu, que se trobaba en a dita aldeya d'a Foradada.
  3. Sinyoría d'as Cortz, de Viu y de Senz, sinyoría de tipo feudal asociada con o condau de Ribagorza en a Edat Meya, que teneba o suyo centro de poder en o castiello debantdito, y que fue ostentada por bells nobles locals (por concesión d'os contes) y tamién por beluns d'os mesmos contes de Ribagorza.

Sobrarbe[editar | editar código]

  1. Las Cortz d'Espierba. Un vico d'o lugar que ye Espierba, en a Valle Verde, a dintro d'o termin municipal de Bielsa. Os atros dos barrios que forman Espierba son Espierba alto y Zapatierno.
  2. As Cortz (l'Abizanda). Un despoblau meyeval en o termin municipal de l'Abizanda, documentau dende o sieglo XI dica las zaguerías d'o sieglo XIV u principios d'o XV[1], quan debió quedar despoblau.
  3. Castiello d'as Cortz. O castiello d'o lugar anterior, que d'alcuerdo con fuents historicas habió d'estar ganau contra os musulmans en tiempos de Remiro I y fue destruiu por Chaime II, conte d'Urchel, en 1413.
  4. As Cortz (Torla). Una pardina deshabitada en o termin municipal de Torla, en a ribera cucha d'a valle de Broto.
  5. Barranco de las Cortz. Un barranco en o termin municipal de Torla, afluent de l'Ara por a cucha, que esnaviesa por aman d'a pardina anterior.

Se veiga tamién[editar | editar código]

Referencias[editar | editar código]

  1. (es) El linaje de los Lascorz; consultau o 19 de mayo de 2012.


Icono de desambigación
Ista ye una pachina de desambigación
Ixo ye, una pachina que enumera articlos diferents con o mesmo títol y aduya a endrezar-se enta lo más adequato.
Si i yes plegato traviés de bell vinclo interno erronio, por favor torna ta correchir-lo y fer que o vinclo s'endrece ta la pachina que calga.