Arrival

De Biquipedia
Ir a la navegación Ir a la búsqueda
Arrival
Arrival 2016 Film.png
Ficha tecnica
Dirección Denis Villeneuve
Producción Shawn Levy
Dan Levine
Aaron Ryder
David Linde
Guión Eric Heisserer
Musica Jóhann Jóhannsson
Fotografía Bradford Young
Montache Joe Walker
Actors Amy Adams
Jeremy Renner
Forest Whitaker
Michael Stuhlbarg
Tzi Ma
Datos y cifras
País(es) Estaus Unius
Anyo 2016
Chenero sciencia ficción
Durada 116 min.
Companyías
Productora FilmNation Entertainment
Lava Bear Films
21 Laps Entertainment
Destribución Sony Pictures Releasing International
Stage 6 Films
Presupuesto 47 millons de dólars

Arrival (títol orichinal en anglés, estenata en Aragón con o títol en castellán La llegada) ye una cinta estausunidense de cine de sciencia ficción de l'anyo 2016, endrezada por Denis Villeneuve y producida por Shawn Levy, Dan Levine, Aaron Ryder y David Linde con guión de Eric Heisserer, protagonizada por Amy Adams, Jeremy Renner, Forest Whitaker, Michael Stuhlbarg y Tzi Ma.[1]

Basado en o cuento de 1998 Story of Your Life de Ted Chiang, a cinta sigue a una lingüista alistada por l'exercito d'os Estaus Unius pa descubrir cómo comunicar-se con extraterrestres que han plegau a la Tierra, antis de que as tensions conduzcan a la guerra.

A cinta tenió o suyo enguero mundial en o Festival de Cine de Venecia l'1 de setiembre de 2016 y estió enguerada en os Estaus Unius y Canadá por Paramount Pictures o 11 de noviembre de 2016. Replegó 203 millons de dolars en tot o mundo y recibió elochios por l'actuación d'Adams, l'adreza de Villeneuve, y a suya exploración d'a comunicación con intelichencia extraterrestre. Considerada una d'as millors cintas de 2016, Arrival amaneixió en as listas de cabo d'anyo de numbrosos criticos y estió seleccionada por l'American Film Institute como una d'as diez "Cintas de l'anyo".

Recibió ueito nominacions en os Premios Oscar de l'Academia, incluindo Millor Cinta, Millor Director, Millor Fotografía, Millor Guión Adaptau y ganó o Premio Oscar a la Millor Edición de Sonito. Tamién recibió nominacions a lo Globo d' Oro a Millor Actriz pa Adams y Millor Banda Sonora Orichinal pa Jóhann Jóhannsson, y recibió o Premio Ray Bradbury a la Millor Presentación Dramatica y o Premio Hugo a la Millor Presentación Dramatica en 2017 . A partitura de Jóhannsson estió nominada a Millor Banda Sonora pa Meyos Visuals en os 60º Premios Grammy.

Reparto[editar | modificar o codigo]

Argumento[editar | modificar o codigo]

Hannah, a filla d'a lingüista Louise Banks, muere a las dotze anyadas d'una malotía incurable.

Dotze naus espacials extraterrestres se cernen sobre puestos dispars arredol d'a Tierra. As nacions afectadas ninvian expertos melitars y scientificos pa monitoriar-los y estudiar-los; En os Estaus Unius, o coronel Weber de l'exercito estausunidense recluta a Banks y a lo fisico Ian Donnelly pa estudiar a nau sobre Montana. Banks y Donnelly dentran en contacto con dos alienichenas de siet extremidatz parellanos a cefalopodos, a os quals claman "heptapodos"; Donnelly os mete embotada Abbott y Costello. Banks y Donnelly investigan o complexo luengache escrito d'os extraterrestres, que consta de frases palindromas escritas con simbolos circulars, y comparten os resultaus con atras nacions. A medida que Banks estudeya l'idioma, prencipia a tener visions d'a suya filla como un flashback.

Quan Banks ye capable d'establir pro vocabulario compartiu pa preguntar por qué han veniu os extraterrestres, responden con una declaración que podría traducir-se como "ofrir arma". China interpreta isto como "fer servir un arma", o que la leva a interrumpir as comunicacions, y atras nacions lo siguen. Banks sostiene que o simbolo interpretau como "arma" puede estar referiu de traza mas abstracta a lo concepto de "meyo" u "ferramienta"; A traducción de China prebablement resulte de l'interacción con os extraterrestres usando mahjong, un chuego altament competitivo en o qual o ganador se lo leva tot.

Os soldaus rebeldes colocan una bomba en a nau de Montana. Sin dar-se conta, Banks y Donnelly tornan a dentrar en a nau alienichena, y os alienichenas les dan un mensache mas complexo. Chusto antis de que esclate a bomba, un d'os extraterrestres forachita a Donnelly y Banks d'a nau, deixando-los inconscients. Quan se dispiertan, os melitars se son preparando pa evaquar en caso de represalias y a nau s'ha moviu dillá d'o suyo alcanz.

Donnelly descubre que o simbolo d'o tiempo ye present en tot o mensache y que a escritura ocupa mesmament una dotzena parti de l'espacio 3D en o qual se prochecta. Banks suchiere que o mensache completo se trestalla entre as dotze naus, y os extraterrestres quieren que todas as nacions compartan lo que aprenden.

O cheneral Shang de China lanza un ultimátum a la suya nau alienichena local, exichindo que abandone China en 24 horas. Rusia, Pakistán y Sudán siguen o suyo eixemplo. As comunicacions entre os equipos d'investigación internacionals s'interrumpen quan s'encomenza o panico en tot o mundo.

Banks va solenca a la nau de Montana y ninvia una capsula de transporte. Abbott resultó mortalment feriu como resultau d'a explosión (a la quala Costello se refiere como "proceso de muerte"); Costello explica que han veniu pa aduyar a l'humanidat, perque en 3.000 anyos amenesterán l'aduya de l'humanidat a truca. Banks se da conta de que l'"arma" ye o suyo luengache, que cambeya a percepción linial d'o tiempo d'os humans, permitindo-les experimentar "recosiros" d'eventos futuros. As visions de Banks d'a suya filla, Hannah, se revelan en realidat como premonicions; a suya filla no naixerá dica bell inte en o futuro.

Banks torna a lo campamento entre que ye estando evaquau y le diz a Donnelly que o luengache d'os extraterrestres ye a "ferramienta". Aquells que dominan l'idioma d'os extraterrestres pueden percibir o futuro y o pasau. Tien a premonición d'un evento d'as Nacions Unitas que celebra l'unidat recientment descubierta dimpués d'a plegada d'os extraterrestres, en o qual Shang le agradeixe por haber-lo persuadiu d'aturar l'ataque gritando a lo suyo numero privau y recitando as zagueras parolas d'a suya esposa: "A guerra no fa ganadors, solament viudas".

En o present, Banks furta o telefono satelital de l'achent d'a CIA Halpern y grita a lo numero de Shang pa recitar as parolas. Os chineses anuncian que se retiran y publican o suyo dotzeno mensache. Os atros países siguen o suyo eixemplo y as dotze naus parten.

Mientres a evaquación, Donnelly expresa o suyo amor por Banks. Charran sobre opcions de vida y si las cambiaría si podese veyer o futuro. Banks sabe que ella aceptará tener un fillo con ell manimenos conoixer o suyo destín: que Hannah morirá d'una malotía incurable, y Donnelly los deixará dimpués que ella revele que lo sabeba.

Referencias[editar | modificar o codigo]

  1. (en) Zanchi, Luca (2020). "The Moving Image and the Time of Prophecy: Trauma and Precognition in L. Von Trier's Melancholia (2011) and D. Villeneuve's Arrival (2016)". Journal of Religion & Film. 24 (1).