Arctodus simus
| Arctodus simus | |
|---|---|
 | |
| Denominacions populars | |
Onso de cara curta, onso de morro curto, onso de rostro curto
| |
| Clasificación scientifica | |
| Eukaryota | |
| Animalia | |
Filo:
|
Chordata |
| Mammalia | |
Subclase:
|
Theria |
| Carnivora | |
Suborden:
|
Caniformia |
| Ursidae | |
Subfamilia:
|
Tremarctinae |
| Arctodus | |
| A. simus | |
| Descripción | |
Arctodus simus
COPE, 1897 | |
| Distribución cheografica | |
 | |
L'onso de cara curta, de rostro curto u de morro curto (nombre scientifico: Arctodus simus (COPE, 1897)) ye una especie extincta de mamifero placentario d'a familia Ursidae y a subfamilia Tremarctinae que vivió en o Pleistoceno en America d'o Norte, dende fa arredol de 800000 anyos dica fa 12500 anyos.[1]
Ye una d'as dos especies descritas que fan parte d'o chenero Arctodus, en chunto con Arctodus pristinus. Todas desapareixión en o Pleistoceno. O suyo parient vivo más aman ye Tremarctos ornatus, l'onso andino.
Descripción[editar | modificar o codigo]
L'onso de rostro curto yera un onso grandismo, o más granizo que s'ha conoixiu.[1] Teneban una altura de 1,60 metros en a cruz d'o lomo, y segurament entre 2,5 y 3 metros d'alto quan se meteba dreito.[1] Podeba pesar dica 900 kg,[1] anque ye probable que a mayoría d'eixemplars estasen menos pesaus, arredol de 540 kg.[2] As patas son más largas en comparanza con o cuerpo y puestar que a complexión corporal estase más fina que en os onsos ursins.
Os isotopos de Nitrocheno conservaus en os suyos uesos charran d'una dieta por principal carnivora, o qual, meso de conchunta con a suya mida y apariencia, ha contribuiu a fer una imachen de depredador temible que s'ha visto potenciada por bells documentals y por a prensa divulgativa. Manimenos, as investigacions más recients demuestran que anque yera un onso más carnivoro que os actuals, tamién minchaba buena cosa de vechetals.[3][4]
Habitat[editar | modificar o codigo]
L'onso de cara curta vivió en America d'o Norte, dende Mexico dica Alaska, y podió trobar-se en una diversidat d'habitats que iban dende selvas dica las planuras centrals d'o que huei ye Estaus Unius. S'ha especulau con que podeba estar un depredador culminal en ixes ecosistemas, anque bels autors han sinyalau que probablement conseguiba la mayor parte d'o suyo alimento fendo de carnucero.[2]
Referencias[editar | modificar o codigo]
- ↑ 1,0 1,1 1,2 1,3 (en) Arctodus simus; consultada o 25 de noviembre de 2019.
- ↑ 2,0 2,1 (en) B. SORKIN; Ecomorphology of the giant short-faced bears Agriotherium and Arctodus, Historical Biology , March 2006; 18(1): 1–20.
- ↑ (en) Borja Figueirido, Juan A. Pérez-Claros, Vanessa Torregrosa, Alberto Martín-Serra, and Paul Palmqvist "Demythologizing Arctodus simus, the ‘Short-Faced’ Long-Legged and Predaceous Bear that Never Was" Journal of Vertebrate Paleontology 30(1), 262-275, (1 January 2010).
- ↑ (es) El mayor carnívoro de la Edad del Hielo, el oso de cara corta, se pasó a los vegetales para sobrevivir, consultada o 25 de noviembre de 2019.
Se veiga tamién[editar | modificar o codigo]
Enlaces externos[editar | modificar o codigo]
Se veigan as imachens de Commons sobre Arctodus simus.
Wikispecies tiene un articlo sobre Arctodus simus.
