Arbutus unedo

*Arbutus unedo*
Arbutus unedo
Denominacions populars
alborcera / alborocera, albordera, albrocera, alborce, arbucero, arbetonera, arbetón, modronyera / madronyera, modrollera
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Ericales
Familia:	Ericaceae
Chenero:	Arbutus
Especie:	A. unedo

L'alborcera^[1]^[2]^{[nota 1]} (nombre cientifico Arbutus unedo), tamién dita modronyera^[1]^{[nota 2]} u arbetón^[1]^{[nota 3]}, ye un arbusto u arbolet de fuella perén d'a familia d'as ericacias.

Caracteristicas

Creix dica una altaria d'uns 5 a 10 m, rarament dica 15 m. O tallo ye royisco, con crepazas, podendo plegar ta os 80 cm, y la corona ye pompuda y redondiata. As fuellas son brilants, de coda curta, d'un verde escuro, con una largaria de 5 a 10 cm y una amplaria de 2 a 3 cm, y tienen os cantos sarratos. As flors son blancas, rara vez d'un rosato clarizo, acampanatas, con un diametro de 4 a 6 mm.

O fruito ye l'alborza^[1] u modronyo^{[nota 4]}, un lulo amarillenco en primeras y bien royo dimpués, d'1 a 4 cm de diametro, de toque aspro, que matura a l'anyo, ta cuan l'alborcera torna a tener florata. As simients se troban en metat d'o lulo y son chiquetas y de color parda.

Habitat

L'alborcera ye espardita per a rechión mediterrania y per a costa atlantica de l'ueste d'Europa. O suyo habitat natural ye en maticals, costeras, penyons, etcetera.

Usos

As alborzas puede minchar-se; son una mica dulces, anque a suya sabor ye mas bien xasca y granosa. (O vocable latín unedo significa en mincho un).

Tamién pueden fermentar-se ta quitar-ne bebitas alcolicas.

A crosta s'ha emplegato en medicina natural como diuretico.

Chardinería

L'alborcera ye un arbolet que se veye a ormino en bels parques y chardins per o colorito d'os lulos suyos.

Tolera millor os puestos an fa una mica de calor, ya que son prou sensibles a las chelatas.

Curiosidaz

Commons

Se veigan as imáchens de Commons sobre l'alborcera.

En o escudo d'a villa de Madrit, i feguran una alborcera y una onsa que se refirma sobre o tronco.

Notas

↑ Con as variants alborocera, albordera u albrocera. Tamién en masculín alborce u arbucero.
↑ Con as variants madronyera y modrollera.
↑ Con a variant femenina arbetonera.
↑ Con as variants modrollo y madronyo.

Referencias

1 2 3 4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 3

Datos: Q329046
Multimedia: Arbutus unedo / Q329046
Especies: Arbutus unedo

[3] Con as variants alborocera, albordera u albrocera. Tamién en masculín alborce u arbucero.

[4] Con as variants madronyera y modrollera.

[5] Con a variant femenina arbetonera.

[6] Con as variants modrollo y madronyo.

[DACC-1] 1 2 3 4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[2] (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 3

[1]

[2]

[nota 1]

[nota 2]

[nota 3]

[nota 4]