Arancel
Un arancel[1] (del arabe andalusí al-inzál, ‘l'aloch’) ye un impuesto que cobra o Estau sobre as marchandisas en os productos exportaus y importaus, asinas como pa os productos que transiten por o país.[2][3] S'estableixe pa protecher a industria nacional d'un estau d'a competencia externa y pa amillorar os resultaus d'a balanza comercial. Tien l'avantacha que puet servir pa estabilizar un mercau y fer-lo mas previsible, asinas como pa iniciar negociacions comercials con atros países. A suya imposición puet creyar problemas entre gubiernos u prencipiar guerras comercials.[4][5][6]
O servicio estatal responsable de cullir os arancels ye a oficina de duanas.[7] Os tres tipos d'arancel mas comuns son:[8]
- Ad valorem: S'aplica sobre o pre d'a marchandisa en conchunt.
- Especifico: Ye un arancel prestableixiu que s'aplica sobre a cantidat (peso, volumen...) u sobre a unidat de carga d'a marchandisa.
- Mixto: L'impuesto total se calcula sumando un arancel especifico y un d'ad valorem.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (ca) Histocard 2. Història contemporània de Catalunya i d'Espanya. Rafael Palomero Caro y Josep Maria Pérez Rodríguez. Col·lecció Minimanual num. 14. Ed. Castellnou. Barcelona, abril 2006. Pach. 23. ISBN 84-9804-211-9
- ↑ (en) tariff. Definition, Types, Examples, & Facts. Britannica
- ↑ (es) Principios de economía. Francisco Mochón Morcillo. McGraw-Hill. Madrit, 1995. Pach. 445. ISBN 84-481-0319-X
- ↑ (it) dazio. Enciclopedia Treccani
- ↑ (en) What Is a Tariff and Why Are They Important?. Scott Nevil. Investopedia
- ↑ (ca) duana. Gran Enciclopèdia Catalana
- ↑ (ca) aranzel. Gran Enciclopèdia Catalana
Vinclos externos
[editar | modificar o codigo]
Se veigan as imáchens de Commons sobre os arancels.
