Arabesque (cinta)

Iste ya un articlo sobre una cinta estausunidense de cine de comedia d'intriga d'espionache de l'anyo 1966; ta atros usos, se veiga Arabesque.

Arabesque
Títol	Arabesque
Ficha tecnica
Dirección	Stanley Donen
Aduyant de dirección	Eric Rattray
Dirección artistica	Reece Pemberton
Producción	Stanley Donen
Guión adaptau	Julian Mitchell Stanley Price Peter Stone
Basau en	The Cipher, novela de Gordon Cotler (1961)
Musica	Henry Mancini
Soniu	C. Le Mesurier John W. Mitchell Don Sharpe
Fotografía	Christopher Challis
Montache	Frederick Wilson
Vestuario	Christian Dior
Maquillache	W.T. Partleton
Efectos especials	Wally Armitage Jim Hole Garth Inns Cliff Richardson John Richardson Jimmy Ward Roy Whybrow
Actors	Gregory Peck Sophia Loren Alan Badel Kieron Moore Carl Duering John Merivale Duncan Lamont George Coulouris Ernest Clark Harold Kasket Gordon Griffin
Color	Panavision Technicolor
Datos y cifras
País(es)	Estaus Unius
Anyo	1966
Estreno	5 de mayo de 1966 Nueva York (Nueva York, Estaus Unius)
Chenero(s)	Cine de comedia Cine d'intriga Cine d'espionache
Durada	105 min.
Idioma(s)	Anglés
Companyías
Productora(s)	Stanley Donen Enterprises
Distribución	Universal Pictures
Estudio(s)	Pinewood Studios
Presupuesto	4,8 millons de dólars
Recauto	5,8 millons de dólars
Informacions en bases de datos especializadas:

Arabesque (títol orichinal en anglés, en aragonés Arabesco, estrenada en Aragón con iste zaguer títol) ye una cinta de cine estausunidense de cine de comedia d'intriga d'espionache estrenada l'anyo 1966, dirichida por Stanley Donen seguntes un guión adaptau por Julian Mitchell, Stanley Price y Peter Stone (basau en The Cipher, una novela que heba publicau Gordon Cotler l'anyo 1961 con o pseudonimo d'Alex Gordon), con una banda sonora orichinal de Henry Mancini, una dirección de fotografía de Christopher Challis y una producción cinematografica de Stanley Donen ta la suya productora cinematografica Stanley Donen Enterprises. Conta con un elenco formau por Gregory Peck, Sophia Loren, Alan Badel, Kieron Moore, Carl Duering, John Merivale, Duncan Lamont, George Coulouris, Ernest Clark, Harold Kasket y Gordon Griffin, entre d'atros actors.

O comandant Sloane asasina a lo profesor Ragheeb, d'a Universidat d'Oxford, un experto en escritura cheroglifica, y li roba un mensache cifrau con cheroglifos. Dimpués demana a lo profesor David Pollock, un estausunidense que ha succediu a la victima, que negocie con Nejim Beshraavi, un cabalero industrial naviero, lo que pareixe un lucrativo negocio, pero lo profesor se niega. Tanimientres, Hassan Jena, primer ministro d'un país arabe, y l'embaixador d'ixe país en o Reino Uniu el convencen de reunir-se con Beshraavi. Iste ufre a David 30.000 dólars por descifrar o manuscrito, pero Yasmin Azir, la novia de l'industrial, li advierte que ordenó matar a Ragheeb y que fará lo mesmo con él malas que remate la traducción. Consigue fuyir, acompanyau de Yasmin, pero son secuestraus por un hombre clamau Webster, a qui David diz que lo manuscrito contina en mans de Beshraavi, encara que no ye asinas. Yasmin explica a David que odia a Yussef Kassim, un d'os suyos perseguidors, porque lo chefe d'iste, lo cheneral Ali, ha secuestrau a su mai y su chirmana y ye preparando un golpe d'estau. A la fin, David descifra lo mensache, a la vegada que conoix que Yasmin no tien ni mai ni chirmanas y que Ali ye en realidat su pai. Tamién descubre que qui pensaba que yera Jena yera un impostor y que lo verdadero ye secuestrau por Beshraavi.

A cinta s'ambienta en a suya epoca actual (1966) en Oxford (Oxfordshire) y Londres (Gran Londres), y las suyas escenas se filmoron en Caerffili (condau de Caerffili) en Galas y en Crawley (Sussex de l'Ueste), Ascot, Hurley y Windsor (Berkshire), Newport Pagnell (Buckinghamshire), Oxford (Oxfordshire) y Londres (Gran Londres) en Anglaterra, amás d'en os Pinewood Studios en Buckinghamshire, tamién en Anglaterra.

Se tracta d'una cinta que ha recibiu bels premios y nominacions, en destacando un Premio BAFTA a la Millor Fotografía y dos nominacions (Millor Disenyo de Vestuario y Millor Montache en 1967 mientres a 20^ena edición d'os Premios BAFTA.

Elenco

Actor	Papel	Notas
	'

Se veiga tamién

• Cine en 1966.
• Cintas de 1966.

Vinclos externos

• Se veigan as imáchens de Commons sobre Arabesque.
• (en) Arabesque en Internet Movie Database.
• (en) Arabesque en Rotten Tomatoes.
• (en) Arabesque en l'American Film Institute Catalog de l'American Film Institute.

• Datos: Q490632
• Multimedia: Arabesque (1966 film) / Q490632