Aproximant labiovelar sonora

Aproximant labiovelar sonora
w
Codificación
N° d'orden en l'AFI:	170
Entidat (dec):	w
Unicode (hex):	U+0077
X-SAMPA:	w
Kirshenbaum:	w
Braille:
Soniu
{{{nota1}}}

L'aproximant labiovelar sonora ye un soniu consonantico muit frecuent en as luengas parladas. En l'AFI iste soniu se denota con o signo [w] y o suyo equivalent en X-SAMPA ye w. En a mayoría de luengas a on existe o fonema /w/ se reyaliza como una aproximant velar labializada ([ɰʷ]), y en atras luengas como l'aragonés frecuentment ye un alofono no-silabico d'una vocal zarrada posterior arredondiada /u/.

Caracteristicas

• A suya forma d'articulación ye aproximant, lo que significa que se produce con un articulador amán d'atro, pero sin que se reduzca a ubertura dica o punto en que se produzca una turbulencia d'aire audible, como en as fricativas.
• O suyo punto d'articulación ye velar labializau, lo que significa que a constricción prencipal d'o tracto ye en a parti posterior d'a luenga u dorso devantau enta o paladar blando u velo mientres os labios son en posición arredondiada. Bellas luengas como o chaponés y talment as luengas iroquesas septentrionals, tienen un soniu transcrito como [w], pero en o que os labios se troban comprimius (u a o menos no arredondiaus), y por tanto es mas amanau a una chenuina consonant labiovelar. As transcripcions mas detalladas habrían d'evitar a transcripción [w] en ditos casos, u emplegar o diacritico de menor arredondeyo: [w̜].
• O suyo tipo de fonación ye sonora, lo que significa que as cuerdas vocals son vibrando mientres l'articulación.
• Ye una consonant oral, lo que significa que se permite que l'aire eslampe a traviés d'a boca y no a traviés d'o naso.
• Ye una consonant central, lo que significa que se produce deixando pasar l'aire por dencima d'a luenga, mas que por os cantos.
• O mecanismo d'o fluixo d'aire ye pulmonar egresivo, lo que significa que o fluixo d'aire s'articula empentando aire enta difuera d'os polmons a traviés d'o tracto vocal.

Presencia

En aragonés

En aragonés existe iste fonema y se representa con o grafema <u> en todas as suyas realizacions: fuella ([’fweʎa]), fuesa ([’fwesa]), muito ([’mujto]), mueso ([’mweso]), ascuitar ([askuj’taɾ]), muara ([’mwaɾa]), aguardar ([aɣwar’ðaɾ]), guaire ([’gwajɾe]), minguar ([miŋ’gwaɾ]).

Eixemplos en diferents luengas

Idioma		Palabra	AFI	Significau	Notas
Anglés		weep	[wiːp]	plorar	Se veiga fonetica de l'anglés
Aragonés		fuella	['fweʎa]	fuella	Se veiga fonetica de l'aragonés
Basco		lau	[law]	cuatre	Se veiga fonetica d'o basco
Castellano		cuanto	[ˈkwãn̪t̪o̞]	cuanto	Se veiga fonetica d'o castellano
Catalán		quart	[ˈkwɑɾt]	cuatreno	Se veiga fonetica d'o catalán
Francés		oui	[wi]	sí	Se veiga fonetica d'o francés
Italiano		uomo	[ˈwɔːmo]	hombre	Se veiga fonetica de l'italiano

Se veiga tamién

• Vocal zarrada posterior arredondiada.

Referencias

• Datos: Q565654