Apollo Command and Service Module

De Biquipedia
Ir a la navegación Ir a la búsqueda
Apollo Command and Service Module
Apollo CSM lunar orbit.jpg
Apollo CSM Endeavour mientres a misión Apollo 15
Datos chenerals
Estato Fin d'as misions
Aplicación Nau espacial tripulata
Operadors Flag of the USA.svg NASA
Lanzador Saturn V
Duración d'a misión 14 diyas
Destín Luna
Especificacions tecnicas
Masa 11,900 kg
Grandarias Largaria 11 m
Diametro 3.9 m
Volumen habitable 6.2 m³

L'Apollo Command and Service Module u nomás que CSM (en aragonés "modulo de mando y servicio") yera una nau espacial que estió uno d'os components prencipals emplegaus pa o programa Apollo d'os Estaus Unius, que aterrizó astronautas en a Luna entre 1969 y 1972.

Yera o vehíclo encargau de carriar a os tres astronautas dica a orbita d'a Luna, mantener-los allí y fer-los tornar a la Tierra por meyo d'un amerizache controlau. A capsula Apollo teneba forma de cono, con una altura de 3,18 m y un diametro en a base de 3,9 m y o suyo peso, incluindo a os tres astronautas, yera de 5534 kilogramos.

O CSM estió desembolicau y construiu pa la NASA por North American Aviation a partir de noviembre de 1961. Inicialment estió disenyau pa aterrizar en a Luna sobre una plataforma de aterrizache de codetes y tornar a os tres astronautas en una misión de puyada directo, que no usaría un modulo luna lunar deseparada, y por tanto no teneba provisions pa acoplar-se con unatra nau espacial[1]. Isto, amás d'atros cambeos de disenyo necesarios, levó a la decisión de disenyar dos versions d'o CSM: o Bloque I s'usaría pa misions sin tripulación y un solament vuelo en orbita terrestre tripulau (Apollo 1), mientres que o Bloque II mas abanzau estió disenyau pa fer servir con o modulo lunar. O vuelo de l'Apollo 1 estió cancelau dimpués que un incendio en a gabina mató a la tripulación y destruyó o suyo modulo de comando entre una preba d'asayo de lanzamiento. As correccions d'os problemas que causoron l'incendio s'aplicoron a la nau espacial Block II, que s'utilizó pa totz os vuelos espacials tripulaus.

Se lanzoron decinueu CSM enta l'espacio. D'istos, nueu voloron humans a la Luna entre 1968 y 1972, y atros dos realizoron vuelos de preba tripulaus en orbita baixa terrestre, totz como parti d'o programa Apollo. Antis d'istos, atros quatro CSM heban volau como prebas Apollo sin tripulación, d'os quals dos yeran vuelos suborbitales y atros dos yeran vuelos orbitales. Dimpués d'a conclusión d'o programa Apollo y entre 1973-1974, tres CSM transportoron astronautas a la estación espacial orbital Skylab. Finalment, en 1975, o zaguer CSM volau atracó con a nau sovietica Soyuz 19 como parti d'o Prochecto de Preba Internacional Apollo- Soyuz.

Referencias[editar | modificar o codigo]

  1. (en) Courtney G Brooks; James M. Grimwood; Loyd S. Swenson (1979). "Contracting for the Command Module". Chariots for Apollo: A History of Manned Lunar Spacecraft. NASA. ISBN 0-486-46756-2.