Apollo 8

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Apollo 8

L'amaneixer d'a Tierra dende la Luna.
Datos chenerals
Operadors Estaus Unius
Lanzamiento 21 d'aviento de 1968
Puesto Kennedy Space Center
Lanzador Saturn V
Duración d'a misión 6 días, 3 horas, 42 segundos
Destín Luna
Reingreso 27 d'aviento de 1968
Programa Apollo
Misión anterior Apollo 7
(1968)
Misión posterior Apollo 9
(1969)

Apollo 8 estió la tercera misión tripulada d'o programa espacial Apollo d'os Estaus Unius. A misión encomenzó lo 21 d'aviento de 1968 y estió la primera misión tripulada en salir d'orbita terrestre, arribar y orbitar a la Luna y a la fin tornar enta la Tierra. A tripulación - Comandant Frank Borman, Piloto d'o modulo de mando Jim Lovell, y Piloto d'o modulo lunar William Anders - estioron os primers humans en salir d'orbita baixa terrestre, os primers en veyer a la Tierra completa, os primers en veyer o costau amagau d'a Luna y los primers en veyer l'amaneixer d'a Tierra dende la Luna.[1] A misión de 1968, o tercer vuelo d'o codete Saturn V y lo suyo primer vuelo tripulau, tamién estió lo primer lanzamiento dende lo Kennedy Space Center, Florida, que se troba a lo costau d'a Estación d'a Fuerza Aeria d'os Estaus Unius.

A misión orichinalment s'heba planiau como Apollo 9, y lo suya lanzamiento sería l'empezadura de 1969 como una segunda preba d'a nau espacial Apollo, incluyindo o modulo lunar (LM) y lo modulo de mando y servicio (CSM) en orbita meya terrestre. Pero cuan o modulo lunar no se podió completar pa la suya primera preba en orbita baixa terrestre en aviento de 1968, se decidió que Apollo 8 volaría lo siguient aviento como una misión d'orbita lunar muit ambiciosa. Isto causó que la tripulación volaría de dos a tres meses mas temprano d'o previsto, deixando-les menor tiempo d'entrenamiento y preparación, asinas demandando mayor tiempo y disciplina.

Apollo 8 tardó 3 días en arribar a la Luna. Orbitó diez vegadas a lo largo de 20 horas, mientres iste tiempo la tripulación realizó una transmisión televisada de Nueit de Nadal en a cual leyioron os primers diez versos d'o Libro de Chenesi. Ista transmisión estió la mas vista d'a historia dica alavez. O feito que la misión d'Apollo 8 estase un exito fació paso pa que Apollo 11 complise lo deseyo d'o President John F. Kennedy de levar a lo ser humán a la Luna antis de zaguerías d'o decenio de 1960. A tripulación d'Apollo 8 tornó enta la Tierra lo 27 d'aviento de 1968 en amerizar en a parti norte de l'Oceano Pacifico.[2]

Referencias[editar | modificar o codigo]

  1. (en) Brooks, Courtney G.; Grimwood, James M.; Swenson, Loyd S. Jr. (1979). Chariots for Apollo: A History of Manned Lunar Spacecraft. NASA History Series. Washington, D.C.: Scientific and Technical Information Branch, NASA. ISBN 978-0-486-46756-6.
  2. (en) Orloff, Richard W. (2000). Apollo by the Numbers: A Statistical Reference. NASA History Series. Washington, D.C.: NASA History Division, Office of Policy and Plans. ISBN 978-0-16-050631-4.

Vinclos externos[editar | modificar o codigo]