Angleses

Los angleses son los habitants nativos d'Anglaterra, dende como colonizadors han contribuito a lo poblamiento de diferents colonias de lo Imperio Britanico creyando países nuevos (Estatos Unitos, Canadá, Sudafrica, Australia, Nueva Zelanda), con nuevas identidatz nacionals chunto con atros pueblos. Parlan una luenga chermanica con muitos elementos latins y romances (anglés), que en lo sieglo XX esdevinió la principal luenga de relacions internacionals. Son cristians anglicans.

L'orichen de lo pueblo anglés se troba en la fusión de los pueblos chermanicos de las costas de la Mar de lo Norte (principalment anglos, saxons y chutos) que invadioron las costas orientals de la Isla de Bretanya empentando enta l'ueste a la población britano-romana, y probablement asimilando-ne part d'ixa población.