Ametista
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ametista | ||
|---|---|---|
| ||
| Categoría: | Silicatos | |
| Clase: | Tectosilicatos | |
| Formula quimica: | SiO2 | |
| Color: | Viola. | |
| Raya: | Blanca. | |
| Lustre: | Vifigtrio. | |
| Transparencia: | Translucido | |
| Sistema cristalín: | Trigonal | |
| Habito: | Tipicament prisma hegagonal rematau en piramide hexagonal | |
| Trencadura: | Concoidal | |
| Dureza: | 7 | |
| Densidat: | 2,65 g/cm³ | |
| Punto de fusión: | 1650±75 °C | |
L'ametista[1] ye una variedat d'o cuarz, un mineral d'o grupo d'os tectosilicatos. A suya color ye violeta u porpra y s'ha feito servir a sobén como piedra preciosa. A color caracteristica suya se debe a la presencia de muito chicotas cantidaz de fierro (Fe+3) y s'ha formato sozmesos a radiacions naturals.[2]
A color d'as ametistas a vegatas no se troba que en as puntas d'os cristals (ametista de puntas), y ye frecuent a coloración en tacas. Cualques ametistas pueden destenyir-sen dica por contacto con a luz d'o día, pero a color puede restituir-se con rayos X. Torrando l'ametista a temperaturas entre 450 y 750 °C se consiguen cuarzos de color amariella-clara, parda-royenca, verde u incolora.
Chacimientos
[editar | modificar o codigo]Se troban en os vueitos dentro d'as rocas volcanicas alcalinas, en grietas y placers. Os romanos espleitaban l'ametista y l'agata d'o melafiro de Hunsrück (Alemanya), un chacimiento acotolato, y tamién de Müglihtal (Saxonia, Alemanya) y Auvernia. Dica fa pocos sieglos a valura economica de l'ametista yera comparable a la d'o safiro, a esmeralda, o rubín u o diamant, pero dende que se descubrioron os grans chacimientos d'ametista en Brasil o suyo pre ha caito muito.
En o celebre chacimiento evaporitico de Los Pedrenyals (Zaila, Almochuel, Binaceit) ye present l'ametista chunto con a pedrenya.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ Olaf Medenbach, Cornelia Sussieck-Fornefeld "Minerales" Guías de la naturaleza Blume. 1990.
Bibliografía
[editar | modificar o codigo]- Medenbach, Olaf y Sussieck-Fornefeld, Cornelia, Minerales. Guías de la naturaleza Blume, 1990.
Vinclos externos
[editar | modificar o codigo]
Se veigan as imáchens de Commons sobre l'ametista.- (en) Información sobre l'ametista en gemstone.
- (en) Información sobre l'ametista en mindat
