Alto Palancia
L'Alto Palancia (en castellán Alto Palancia, en catalán Alt Palància) ye una comarca d'o País Valencián situata en o interior, con capital en Segorb.
Cheografía
Ye una val ampla deseparata de l'Alto Millars por as Sierras de Pina y Espadán. O clima no ye tan continental en o fondón, pero ye frido en as zonas montanyosas. O río de Segorb, oficialment rebaptizato como Palancia, permite reganos de trunfas, panizo y arbols fruitals.
Ha tenido muita relación con Teruel.
Mugas
Muga a lo norueste con Aragón y Los Serrans, a lo norte con l'Alto Millars, a l'este con a Plana Baixa, a lo sudeste con o Campo de Murviedro, y a lo sur muga con o Campo de Turia.
Historia
Ista comarca fue repoblata por aragoneses. En o repartiment mencionan a donación de parte d'esta comarca a lo concello de Teruel:
Parla
Ye una comarca castellanoparlant, on se charra o churro, variedat d'o castellán con más substrato aragonés que a parla baturra y un adstrato catalán.
Municipios d'a comarca Alto Palancia | |
---|---|
Alchimia d'Almonecir | Almedíxar | Altura | Azuébar | Val d'Almonecir | Barracas | Beixix | Benafer | Vivel | Castellnou | Caudiel | Chóvar | Figueras | Gaibiel | Matet | Navachas | Pavías | Pina | Sacanyet | Segorb | Sonecha | Sot de Ferrer | Teresa | Torás | Lo Toro | Xeldo | Exerica |