Alto Guadalentín

Alto Guadalentín
Comarca d'a Rechión de Murcia
Parque Natural de Cabo Cope.
Capital  •Municipios	Lorca 3
Entidat  •Comunidat	Comarca  Rechión de Murcia
Superficie  •Total	2074,8 km²
Población  •Total  •Densidat	126.778 hab. 61,1 hab./km²
Alto Guadaletín en a Rechión de Murcia.

L'Alto Guadalentín ye una comarca d'a Rechión de Murcia (Espanya), con capital en Lorca que debe o suyo nombre a estar en o trampo alto d'o río Guadalentín; d'antis más yera dita Comarca de Lorca u Campo de Lorca, encluyendo-ie Mazarrón.

A comarca abraca una superficie total de 2068 km², un territorio muit amplo en l'ueste d'a provincia de Murcia. Astí conviben lugars, paisaches de costa y interior, plans y montanuas, huertas, selvas y articas.

Caracteristicas

A comarca de l'Alto Guadalentín corresponde con a clasica aria d'enfluyencia d'a ciudat de Lorca dende epoca medieval. D'antis más, ista comarca abastaba tamién os primers municipios almerienses, como Huércal Overa, repoblatos por lorcans.

Ista comarca yera englobata chunto con o Baixo Guadalentín baixo lo nombre de "Guadalentín". Posteriorment se deseparoron debito a que correspondeban alto u baixo a un quatreno d'a superficie d'a Comunidat Murciana. Águilas corresponde con o epicentro d'a peninsula que se desertiza, y de feito ye una d'as comarcas más diserticas, chunto con a Oriental. A comarca de l'Alto Guadalentín ye plena de chicotas entidatz de población isolatas y con muit difícil acceso en a sierra de l'Almenara, en o termin municipal lorcán.

Economía

L'agricultura ye eminentment de secano, excepto en a zona d'a vega de Lorca. A economía varía muito d'una zona a una atra, dende a producción agricola y ganadera d'a vega lorcana dica o turismo propio d'Águilas, asinas como lo sector servicios de Puerto Lumbreras, seu d'un parador turistico.

Actualment se yen desembolicando prochectos turisticos prou polemicos en a redolada d'o Cabo Cope, perteneixient a Águilas.