Almorabet

De Biquipedia
Ir ta: navego, busca
المرابطون‎
Imperio Almorabet
3by2white.svg 1040 — 1147 Flag of Morocco 1147 1269.svg
3by2white.svg
Siñal d'Aragón.svg
Bandera
Situación de Almorabet
Almorabetz en 1120
Capital Aghmat (1040-1062)
Marráquex(1062-1147)
Cordoba
Idioma oficial
 • Atros idiomas
Arabe
Luengas berbers
Relichión Islam malikí
Gubierno Imperio
 • Formación 1040
 • Desaparición 1147

Os almorabetz (en arabe المرابطون al-Murabitun, sing. مرابط Murabit, ermitano) son un movimiento islamico d'orichen africán que apareixió en l'aria entre Senegal y Mauritania en o sieglo XI y que imposó en buena parte de Berbería a ortodoxia sunnita d'a escuela malequí. Invadioron a peninsula iberica y facioron desapareixer totas as taifas musulmanas y recular a os reinos cristians.

Imperio almorabet

O nombre d'os almorabetz deriva de Ribat, monesterio on rezaban y se preparaban pa o combate melitar contra os infidels. En isto se pareixeban a las ordens militars d'a cristiandat medieval. Tamién lis deciban mulattimun porque cubriban a suya cara con un belo u litam.

En a primera mitat d'o sieglo XI o chefe d'os zenachas saharians, acompanyato con o reformador relichioso Abd Allah b Yasin, fundó un monesterio u ribat en a ripa de l'Atlantico, en as costas de Río d'Oro u Mauritania.

En pocos anyos os almorabetz controloron tot o Sahara occidental y empecipioron una expansión ta o norte chocando contra a Confederación Zanata, rivals ancestrals d'os zenacha. Os nuevos emirs d'a Confederación Zenacha Abu Bakr y Yusuf b Tasfin ocuporon os oasis d'o sud de Marruecos vencendo a resistencia de zanatas y barwatas. Abd Allah b Yassin morió fendo guerra contra os barwatas.

As reformas relichiosas yeran suprimir os impuestos ilegals y predicar a ortodoxia sunnita. Con a muerte de l'Emir Abd Allah b Yassin o problema relichioso pasó a un segundo plan. En 1069 dimpués de vencer a os zanata prenioron Fez, y en 1070 fundoron Marráquex, a que será lur capital. No podioron en un primer inte prener Ceuta, que teneba refirme d'os reinos taifas andalusins; quan os reis taifas andaluces se veyen amenazatos por os abances d'Alifonso VI de Castiella y Leyón, a flota sevillana aduya a os almorabetz a prener Ceuta (1083).

Plegan ta l'Al Andalus en 1086, clamatos por os reis taifas. Dende 1090 prenen o control de totas as taifas menos as d'Albarrazín, Alpuent y Saraqusta, que tardaron más en ocupar porque no podeban atacar-las bien dica que no prenesen Valencia, feito que se desvenió en 1102.

Muerto l'emir Ali, os suyos sucesors no podioron aturar l'abance almuade. Os almuades prenioron Marráquex en marzo de 1147.

Veyer tamién[editar | editar código]