Alexandra Jiménez

De Biquipedia
Ir a la navegación Ir a la búsqueda
Alexandra Jiménez
Alexandra Jiménez en los Premios Goya de 2017.
Alexandra Jiménez en los Premios Goya de 2017.
Información personal
Calendata naiximiento: 4 de chinero de 1980
Puesto naiximiento: Flag of Aragon.svg Zaragoza

Alexandra Jiménez Arrechea ye una actriz aragonesa naixita de Zaragoza o 4 de chinero de 1980.

Dimpués d'emprencipiar bien chóven a estudiar ballet en o Estudio de Danza María de Ávila de Zaragoza y o Real Conservatorio Profesional de Danza de Madrit, tornando-se bailarina profesional ta os 15 anyos, Alexandra sofrió una lesión en o piet dreito y decidió d'albandonar o ballet y adedicar-se a l'arte dramatico. Fació estudios d'interpretación en a Escuela Superior de Artes Escénicas y Espectáculos de Madrit, encomenzando a compachinar ya en o segundo curso a suya formación con bella intervención en series televisivas como Policías, Periodistas u Compañeros.

Manimenos, o papel que la ferá conoixita ta o publico ye o dÁfrica, a sofrita y cinica companyera de Raúl y amiga dEva en a serie de televisión Los Serrano de Telecinco. Tamién ha participato en a serie Tres son multitud, como Valeria, amás de fer de colaboradora en o programa Alerta 112.

En a gran pantalla, ha treballato como Trini en a cinta de Manuel Sanabria, La fiesta. Ha participato en bells curtometraches: con o papel de misacha gánster en Low Bat (2002), como Isabel en Demonios de corta vista (2004), El mono de Hamlet (2004), A Mario (2004) y Anillos de Saturno (2001), que li mereixió una Mención Especial a la Millor Actriz.

En teatro, ha actuato prencipalment en: Fin del mundo, todos al tren (Alberto Millares, 2002), Los menecomos (Roberto Cerdá, 2002), Siete por siete (Fermín Cabal, 2003) y 5mujeres.com (2004).

Tamién ha feito de modelo ta las colecions Kangaroos (primavera-verano de 2005) y Bossini (agüerro-hibierno 2004-2005), en ista chunto con Alejo Sauras.

Vinclos externos[editar | editar código]