Adam Frank

De Biquipedia
Ir a la navegación Ir a la búsqueda
Adam Frank
Información personal
Calendata de naixencia 1 d'agosto de 1962
Puesto de naixencia Flag of the United States.svg Belleville (Nueva Jersey, Estatos Unitos)
Ocupación Escritor, astronomo y fisico
Sitio web Pachina web

Adam Frank (naixiu l'1 d'agosto de 1962 de Belleville, Nueva Jersey) ye un fisico, astronomo y escritor estatounitense. O suyo campo d'investigación se centra prencipalment en a astrofisica computacional, metendo ficacio en a formación d'as estrelas y as zagueras etapas d'a evolución estelar. As suyas obras de divulgación se centran en temas scientificos dende un punto d'anvista cultural como a sciencia y a relichión u o papel d'a tecnolochía en a experiencia d'o ser humán con o tiempo. Ye co-fundador d'o blog 13.7 Cosmos and Culture d'a Radio Publica Nacional (NPR)[1]

Biografía[editar | editar código]

Frank naixió de Belleville, Nueva Jersey l'1 d'agosto de 1962. Estudeo en a Universidat de Colorado fendo a tesis doctoral en a Universidat de Washington. Estió titular d'un puesto post-doctoral en a Universidat de Leiden en os Países Baixos y en a Universidat de Minnesota. En 1995 Frank recibió a beca Hubble y en 1996 prencipió a treballar en a Universidat de Rochester, en Rochester, Nueva York, a on ye actualment profesor d'astrofisica.

As investigacions de Frank se centran en a dinamica de fluidos astrofisica. A suya colla d'investigación ye desenvolicando o codigo AstroBEAR (Adaptive Mesh Refinement) que se fa servir en a simulación de fluxos en a dinamica de fluidos magneticos en contextos astrofisicos.[2] Entre os prochectos en que s'emplega l'AstroBEAR incluindo o estudeo de surtidors en protoestrelas asinas como a evolución de nebulosas planetarias en rematar a vida d'una estrela de tipo solar.

Publicacions populars[editar | editar código]

O primer libro publicau por Frank estió The Constant Fire. Beyond the Science vs. Religion Debate. Publicau en 2009 miraba de definir diferents perspectivas en a discusión entre sciencia y relichión. O segundo libro de Frank, publicau en agüerro de 2011, estió About Time: Cosmology and Culture at the Twilight of the Big Bang que explora a relación entre o cambeo d'ideyas en a cosmolochía y a ideya cultural d'o tiempo. En 2010 Frank estió co-fundador d'o blog "13.7 Cosmos and Culture" d'a Radio Nacional Publica chunto a Marcelo Glaser. Amás Frank tamién ha escrito articlos ta reconoixidas publicacions como a revista DISCOVER.[3].

Bibliografía[editar | editar código]

Referencias[editar | editar código]

Vinclos externos[editar | editar código]