Halterofilia
L'halterofilia ye un esporte olimpico que consiste en o debantamiento d'a mayor cantidat de peso con una barra en a que en os suyos extremos bi han discos. O conchunto d'a barra y os discos ye anomenau "haltera". Ye un esporte olimpico dende a primera edición d'os Chuegos Olimpicos en l'anyo 1896.
O suyo organismo rector ye a Federación Internacional d'Halterofilia, conoixita tamién por l'acronimo d'o suyo nombre en anglés, IWF. As competicions mes importants a nivel mundial son os Chuegos Olimpicos y o Campionato d'o Mundo d'Halterofilia.
Modalidaz
En l'halterofilia bi ha dos modalidaz:
- L'arrancada, en ista modalidat o levantador ha de devantar o peso d'una sola vegata sin garra interrupción dende o suelo dica l'extensión total d'os brazos dencima d'o tozuelo.
- Dos tiempos, en ista modalidat o levantador ha de devantar o peso dende o suelo dica la extensión total d'os brazos dencima d'o tozuelo, pero ye permitiu de fer una parada en l'altaria d'os huembros.
Istas modalidaz son divididas a la suya vegata en cuantas categorias seguntes o peso d'o debantador.
Categorías
Os debantadors están dividius en categorías seguntes o suyo peso y bi ha uns récords tamién seguntes estas categorias. As categorías d'os debantadors mayors de 20 anyos son as siguients:
| Categoria | Masculina | Femenina |
|---|---|---|
| 1 | 56 | 48 |
| 2 | 62 | 53 |
| 3 | 69 | 58 |
| 4 | 77 | 63 |
| 5 | 85 | 69 |
| 6 | 94 | 75 |
| 7 | 105 | +75 |
| 8 | +105 | - |