Índex de desarrollo humano

Mapa de l'índex de desarrollo humano d'os diferents países seguntes o PNUD (basau en datos d'o 2023, publicau en 2025).

0,800–1,000 (muit alto)    0,700–0,799 (alto)    0,550–0,699 (meyo)

0,350–0,549 (baixo)    Sin datos

Mapa de l'índex de desarrollo humano d'os diferents países seguntes o Programa d'as Nacions Unidas pa o Desarrollo (2023).

Mas de 0,950    0,900–0,949    0,850–0,899    0,800–0,849    0,750–0,799

0,700–0,749    0,650–0,699    0,600–0,649    0,550–0,599    0,500–0,549

0,450–0,499    0,400–0,449    0,350–0,399    0,300–0,349    Sin datos

L'índex de desarrollo humano (IDH) ye un indicador, elaborado por o Programa d'as Nacions Unidas pa o Desarrollo (PNUD), que s'utiliza pa clasificar a os países en tres livels de desarrollo humano. L'índex ye compuesto por l'asperanza de vida, a educación (tasa d'alfabetización, tasa bruta de matriculación en diferents livels y asistencia neta) y indicadors d'ingreso per capita. Un país obtiene un IDH mas alto cuan l'asperanza de vida ye mayor, o livel de educación ye mayor y l'ingreso nacional bruto INB (PPA, u paridaz de poder adquisitivo) per capita ye mayor. Fue desarrollau por un equipo liderau por l'economista Amartya Sen.

L'informe sobre desarrollo humano de 2010 ficó un índex de desarrollo humano achustau por desigualdat (IDHD). Encara que o l'IDH simple contina estando útil, PNUD afirma que «l'IDHD ye o livel real de desarrollo humano (que representa a desigualdat), mientres que l'IDH puet veyer-se como un índex de desarrollo humano 'potencial' (u o livel maximo d'IDH) que podría lograr-se si no i hese desigualdat.»

L'índex se basa en l'enfoque de desarrollo humano, desarrollau por Mahbub ul Haq, a sobén enmarcau en termins de si as personas pueden «estar» y «fer» cosas deseyables en a suya vida. Os eixemplos incluyen estar bien alimentau, protechiu, sano y actividaz como treballar, educar-se, votar y fer parti d'a vida comunitaria. A libertat d'elección ye fundamental: belún que esliche tener a tripa lasa (como mientres un achunada relichiosa) ye diferent de belún que tien fambre porque no puet permitir-se crompar birolla u porque o país ye en una fambrera.

L'índex no para cuenta de cualques factors, como a riqueza neta per capita u a relativa calidat d'os productos en un país. Ista situación fa baixar a clasificación de beluns d'os países mas abanzaus, como os miembros d'o G7 y atros.

Vinclos externos

• (en) Informe sobre desarrollo humano 2013.
• (en) Informe sobre desarrollo humano 2010, 2009, 2008-2007.
• (en) Informe sobre desarrollo humano 2005.
• (es) Informe sobre desarrollo humano 2007 (ONU).
• (en) Informes sobre desarrollo humano, con datos de 2014.

• Datos: Q38994
• Multimedia: Human Development Index / Q38994