Salut

Salut (d'o latín "salus, -ūtis") ye o estato de completo bienestar fisico, mental y social, y no nomás l'ausencia de infeccions u malautías, seguntes a definición d'a Organización Mundial d'a Salut realizata en a suya constitución de 1946. Tamién puet definir-se como lo ran d'eficacia funcional u metabolica d'un organismo tanto a ran micro (celular) como macro (social). En 1992 un investigador anyadió a la definición d'a OMS: "y en armonía con o medio ambient", enamplando asinas o concepto.

"A salut se mesura por o shock que una presona pueda recibir sin comprometer o suyo sistema de vida. Asinas, o sistema de vida se convierte en criterio de salut. "una presona sana ye aquella que puet vivir os suyos suenios no confesatos plenament"...

Moshé Feldenkrais

"A salut ye prencipalment una mida d'a capacidat de cada presona de fer u convertir-se en lo que quiere estar."...

René Dubos

A forma fisica, ye a capacidat que tien o cuerpo ta realizar qualsiquier tipo de exercicio a on que s'amuestra que tien resistencia, fuerza, achilidat, habilidat, subordinación, coordinación y flexibilidat.

Existe tamién a salut mental, a quala se caracteriza por o equilibrato estato psiquico d'una presona y a suya autoaceptación (gracias a l'autoaprendizache y autoconoiximiento); en parolas clinicas, ye l'ausencia de qualsiquier tipo de malautía mental.

Vinclos externos

• (es) Pachina web d'a OMS (Organización Mundial de la Salud).
• (es) Departamento de salut, benestar social y familia d'o Gubierno d'Aragón.