Agricultura

Una plantación de panizo en Liechtenstein.

Campos de trigo.

L'agricultura ye, en un sentito amplo, o conchunto de conoiximientos y d'actividatz que tienen por obchecto a explotación d'o medio natural ta producir alimento u atros productos a traviés d'o cautivo de bellas plantas y a cría d'animals domesticos.

L'agricultura tien una gran importancia estratechica como alazet ta l'autosuficiencia y a riqueza d'as nacions.

A qui treballa en l'agricultura se le diz "agricultor" u mas tradicionalment "labrador".

Historia

L'orichen de l'agricultura se troba en o Neolitico quan a economía d'as sociedatz humanas evolucionoron dende a plega y a cazata enta l'agricultura y a ganadería. As primeras plantas cautivatas estioron o trigo y l'hordio. Os suyos orichens se pierden en a prehistoria, pero pareixe que yeran tres as culturas que de forma independient la practicaban: en Mesopotamia, en America Central (as culturas precolombinas) y probablement a l'este d'Asia por os chineses.

Se produce una transición alto u baixo gradual dende a economía de cazata-replega a l'agricultura. Una d'as razons d'a introducción de l'agricultura habría estato un cambeo climatico enta temperaturas mas templatas.

L'agricultura premitió una mayor densidat de población que a economía de cazata y replega, y a disponibilidat d'alimento ta un mayor numero de personas, permitindo que no totas as personas haigan d'adedicar-se a la producción d'os mesmos, lo que ye crucial en a naixencia d'as sociedatz estatals.

Veyer tamién

Agricultura ecolochica Agricultura de precisión A revolución verda

Hidroponia Politica agricola común d'a UE Subsidios agricolas

Vinclos externos

• Se veigan as imáchens de Commons sobre agricultura.
• (es) Ministerio d'Agricultura, Alimentación y Meyo Ambient d'o Gubierno d'Espanya.
• (es) Departamento d'Agricultura, Alimentación y Meyo Ambient d'o Gubierno d'Aragón.