Xīnjiāng

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rechión Autonoma Uigur de Xīnjiāng شىنجاڭ ئۇيغۇر ئاپتونوم رايونى 新疆维吾尔自治区
Rechión Autonoma d'o China
Entidat  • Estato	Rechión Autonoma China
Capital  • Población	Ürümqi 27.967
Idioma oficial  • Atros idiomas	Chinés Uigur
Superficie  • Total	Pos. 1º 1 664 897.17 km²
Población  • Total (2010)  • Densidat	Pos. 24º 21 813 334 hab. 11,67 hab/km²
PIB (nominal)  • Total  • PIB per capita	420.300 millons de yuans 19.893 yuans
ISO 3166-2	CN-XJ
ISO 3166-2	CN-65
Abreviadura	新 (Xīn)
Miembro de: China

O Xinjiang u Xīnjiāng (en uigur : شىنجاڭ Shinjang — nombre oficial chinés : 新疆, pinyin Xīnjiāng, « Rechión autonoma uigur d'o Xīnjiāng »), dita igualment Turquestén oriental, ye una d'as cinco rechions autonomas d'a Republica popular de China, con estatuto particular, como a Mongolia Interior u o Tibet. Situato en o suyo cabo ueste, s'estendilla uns 1660001 km² y ocupa un seisén d'o territorio chinés. O Xīnjiāng poseye une muga común con ueito paises: Mongolia, Rusia, A India, Pakistán, Kirguizistán, Cazaquistán, Afganistán y Tachiquistán. A suya capital ye Ürümqi.

Población por etnias y nacionalidaz

Tres mesachas uigurs en o mercato de Khotan.

O Xīnjiāng ye poblato en a mes gran part por os uigurs, un pueblo turquico, pero tamién d'atros pueblos d'Asia Central como os cazacos, os kirguizes, os tartaros, os uzbekos y os tachicos bi son presents. Seguntes o zaguer censo chinés, a población d'estas etnias, practicants en cheneral d'a relichión musulmana, practicata tamién por os huis, ye d'un poquet mes de 11 millons, d'os cuals os 8,68 millons d'uigurs son a mes gran part. Encara son mayoritarios, pero a presión demografica y cultural d'os hans u chineses etnicos amenaza a suya supremacía.

Os 9 millons d'atros habitants d'a rechión son en a suya mayoría hans. A proporción de hans en a población d'a rechión ha pasato d'o 6 % en 1949 a mes de 40 % en 2006 (cifra subestimata pero no comprende os treballadors temporals ni os militars). Viven sobretot en as ciudaz.

Nacionalidat	Porcentache
1. Uigurs	45,6 %
2. Hans	40,1 %
3. Cazacos	6,7 %
4. Huis	4,5 %
5. Kirguizes	0,9 %
6 . Mongols	0,8 %
7. Tachicos	0,21 %
8. Xibos	0,21 %
9. Manchús	0,1%
10. Uzbekos	0,08 %
11. Rusos	11 000
12. Dagur	6700
13. Tartaros	4900

Referencias

• Fuent : China Statiscal Yearbook 2008 (cifras 2006)