Selección natural
A selección natural ye a causa que diriche a evolución d'as especies, d'acuerdo con o darwinismo, que ye la teoría evolucionista acceptada actualment por a Ciencia.
Seguntes Charles Darwin en cualsiquier población os individuos son diferents entre éls. Os individuos d'una población tienen caracters que son heredables en a suya descendencia. Asinas pos, ye sobre iste conchunto de caracters sobre los que opera la selección natural. Os individuos millor adaptaus a lo suyo medio ambient tendrán mayor descendencia ya que s'adaptarán millor a lo suyo ambient y per tanto con ixe caracter tenderá a fer-se mes cutiano en cada cheneración.
Asinas, per eixemplo, en o pasau debeba haber-ie chirafas con o cuello curto y unas pocas chirafas con o cuello largo. As que teneban o cuello largo arribaban mes alto ta alimentar-se y alimentar-se d'as fuellas d'as coronas d'os árbols mes que no las que tienen o cuello curto. Allora, as chirafas de cuello largo millor alimentadas se podeban reproducir mes y pasar os suyos caracters a la descendencia de traza que cada vegada bi heba mes chirafas de cuello largo dica que totas as chirafas tenesen o cuello largo.
A selección natural ye a innovación central d'as ideyas de Darwin, pus a evolución ya yera estada previament proposada per atros, como Jean-Baptiste Lamarck, pero con mecanismos diferents.