Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Reino d'os Países Baixos Koninkrijk der Nederlanden Roayume des Pays-Bas Königreich der Niederlande Reino de los Países Bajos
O Reino d'os Países Baixos (neerlandésKoninkrijk der Nederlanden) ye una federación establita en 1954 que, actualment, ye formata por cuatre países y tres municipios especials. Os cuatre países constituyents son: Aruba, Curaçao, Sint Maarten y os propios Países Baixos (Nederland, seguntes l'idioma neerlandés, ye o territorio a on se troban as autoridaz d'o reino y a o que perteneixen os municipios especials de Bonaire, Saba y Sint Eustatius). Ye, amás, una monarquía con una reina a la cabeza d'o estato. Ista monarquía federal fue constituita baixo o estatuto d'o 8 d'octubre de 1954, cuan os Países Baixos perdioron as suyas zagueras posesiones d'ultramar y pasaron a decir-se Reino d'os Países Baixos chunto con os territorios que quedaban encara en a suya posesión.
Aruba ye un estato unitario centralizato dende 1986 que poseye o suyo propio gubierno (representato por o Primer ministro d'Aruba[1][2][3]) y o consello de ministros, o monarca d'os Países Baixos ye representato por o Gubernador d'Aruba. O pueblo ye representato en o Parlamento d'Aruba. Aruba no tien divisions administrativas.
Curaçao ye un estato unitario centralizato dende 2010 que poseye o suyo propio gubierno (representato por o Primer Ministro de Curaçao[1][2][3]) y o consello de ministros, o monarca d'os Países Baixos ye representato por o Gubernador de Curaçao. O pueblo ye representato en o Parlamento de Curaçao. Curazao no tien divisions administrativas.