Calandra
(Reendrezau dende Calandria)
- Iste articlo tracta sobre as calandras que son paixaros. Pa atros usos de calandra se veiga Calandra (desambigación).
Calandra[1] u calandria[1] ye o nombre vulgar que reciben cualques especies d'aus paseriformes en a familia Alaudidae y chenero Melanocorypha[2] d'aspecto robusto y entre 25 y 30 cm de largaria, propias de campos ubiertos, praus, defesas y zonas esteparias d'Europa y d'Asia, conoixidas por a suya buena traza vocal y pa cantar, que arriba a lo punto que pueden imitar os sonius d'animals d'atras especies. En aragonés ribagorzano se documenta tamién a forma d'o nombre caliandra.[1]
As calandras son as especies mas grans entre os paixaros alaudidos, con una mida parellana con a d'una torda u d'una merla, mientres que as suyas parients as cuculladas y as alodas son mas amán d'a mida d'un gurrión.
Referencias[editar | modificar o codigo]
- ↑ 1,0 1,1 1,2 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza, 2004. ISBN 978-84-8986-235-7.
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.