Populus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Populus | |
|---|---|
 | |
| Denominacions populars | |
Alamos, albars
| |
| Dende o Cretacio | |
| Clasificación cientifica | |
| Eukaryota | |
| Plantae | |
| Magnoliophyta | |
| Magnoliopsida | |
| Malpighiales | |
| Salicaceae | |
| Populus | |
| Descripción | |
Populus
L., 1758 | |
Populus (L., 1758) ye un chenero de plantas dicotiledonias magnoliopsidas en a familia d'as salicacias, composau por especies de port arborio u arbustivo, caducifolias, a mayoría d'ellas naturals de o Hemisferio Norte. Corresponde con as especies que, en aragonés, se denomina chenericament alamos[1] u, principalment en Ribagorza y Sobrarbe, albars[1][2] (pronunciau /al'bas/~/aʎ'bas/).
Descripción[editar | modificar o codigo]
Son árbols de creiximiento rapedo, que viven en puestos con augua (como sotos y riberas), y arriban dica a altarias d'entre 15 y 50 metros, con troncos que gosan fer 2,5 m de diametro en os eixemplars mas viellos.
As fuellas creixen pendulars, oposadas, con un peciolo luengo y con as laderas lisas u, en cualques especies, lobuladas. A forma d'a fuella varía d'entre amanada a formar un cerclo como en P. lasiocarpa dica triangular (P. nigra). Anque a color d'o follamen ye verde, a sobén se torna amariella u royisca d'agüerros, chusto enantes de cayer.
A crosta ye lisa en os árbols chóvens, con frecuents lenticelos, pero gosa tornar-se aspra cuan creixen. A color ye blanca u grisa en muitas especies, escurindo-se con a edat y aspritut, pero en atras destaca por o escura que ye, en comparanza con as primeras que son a mayoría.
As flors son dioicas, rarament monoicas. Naixen como amentos pedunculaus enantes que brosten as fuellas en primavera. Cada flor individual tiene una escata protectora que s'enradiga directament en o raquis de l'amento. As flors masculinas dan muitismo polen, por o que resultan árbols muit alerchenicos, principalment por o elevau numero d'estambres que contienen; d'entre 4 y 50 por cada flor.
Especies[editar | modificar o codigo]
O chenero Populus concabe una gran cantidat d'especies, d'entre as que son mas frecuents en Aragón o chopo (que incluye a variedat «lombardo»), a tremolera y o chopo blanco.
O chenero tradicionalment se subdivide en 6 seccions, en base acaracters morfolochicos de a flor y a fuella. Os estudios cheneticos que s'han feito han confirmau ista división, pero tamién que ha existiu cualque cosa d'hibridación d'entre as diferents seccions en o pasau.
.JPG)
- Populus sección Populus - Climas circumpolars subarticos fridos y temperaus. Mas ta'l sud, en a montanya.
- Populus sección Aigeiros - Europa, America d'o Norte y Asia occidental.
- Populus hibridos
- Populus sección Tacamahaca - America d'o Norte y Asia, en climas temperaus y fridos.
- Populus sección Leucoides - Asia oriental y zona atlantica de Nordamerica.
- Populus sección Turanga - Suduest d'Asia y dende l'Asia subtropical dica la tropical.
- Populus sección Abaso - Mexico en zonas tropicals y subtropicals.
Referencias[editar | modificar o codigo]
- ↑ 1,0 1,1 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
- ↑ (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza 2004. ISBN 84-8465-160-6
