Sozdialeuto tortosín
De Biquipedia
Lo tortosín, tamién clamato balenzián de transizión, ye un sozdialeuto de transizión entre los dialeutos balenzián e catalán nordozidental.
Contenius |
[editar] Estensión cheografica
Comprene o Mayestrato Biello (fueras d'Adzaneta, pero á més Chodos), los Puertos de Moriella (fueras d'Olocau del Rei, castellanoparlant), lo Matarraña, Mezquín-Guadalop, lo Montsià, lo Baxo Ebro, la Tierra Alta e la Ribera d'Ebro á lo sur de lo Pas de l'Ase.
La parte norte de la Ribera d'Ebro (á lo norte de lo Pas de l'Ase), Fayón, bellas zonas de lo Priorato e de lo Baxo Campo e talment dica Mequinenza bi ha autors que las incluyen. Son charrars de transizión ta atras formas de catalán nordozidental u ta lo catalán de Tarragona, e no tienen doncas totas las carauteristicas de lo sozdialeuto tortosín.
[editar] Carauteristicas lingüisticas
Con respeuto a los carauters chenerals de lo catalán nordozidental lo tortosín ye diferent en bellas cosas.
[editar] Fonetica
[editar] Bocalismo
- /a/ tonica en contauto con palatal = ['ʎɛrk], ['ɛjɣwa], ['jɛjo] (beyer: palatalizazión).
- /a/ postonica final = [a]: ['pɔrta], ['dɔna]; [ɛ]: ['pɔrtɛ], ['dɔnɛ], ['mesṯrɛ] (masculín: ['mesṯre]) (beyer: armonía bocalica).
- /e/ atona > [i] contauto con palatal (no ye sistematico) = senyor [si'ɲo] (beyer: palatalizazión)
[editar] Consonantismo
- DY, I, BY, GY
- Interbocalicos: CORRIGIA, PEIORE, MAIORE, BAUBIA = [jʒ]: [ko'rejʒa], [pi'ʒo], [maj'ʒo], ['bɔjʒa] (beyer: palatalizazión)
- Finals: RUBEU, PODIU = [ʧ]: ['rɔʧ], ['puʧ] (beyer: palatalizazión)
- Progresiba palatalizazión de los fonemas africatos albeolars: dotze > [dodʒe], pots > [pɔtʃ].
[editar] Lesico
Bi ha paralelismos con lo balenzián e balear:
- besada (petó en catalán standard)
- calces (mitges en catalán standard)
- faldetes (faldilles en catalán standard)
- torcar (netejar en catalán standard)
Bi ha paralelismos con lo balenzián:
- De bades (de baldes en aragonés e charrar baturro)
- galtada (bufetada en catalán standard)
- bancal (feixa de terra en catalán standard)
- xeic/xec (vocatibo)
Bi ha aragonesismos:
Bi ha parabras chenuinas:
- Certinitat (certesa en catalán standard)
- ado (àdhuc en catalán standard)
- escuranda (vaixella bruta en catalán standard)
- vamà que (potser que en catalán standard)
- baldana (botifarra en catalán standard)
- maldar (renyar en catalán standard)
- pesteta (bitxo en catalán standard)
- dolent (malalt en catalán standard)
- bacó (porc en catalán standard)
- xompo (feixuc en catalán standard)
- panís (moresc en catalán standard)
- rabera (ramat en catalán standard)
- rendilla (mosquín petit)
[editar] Literatura
O sozdialeuto tortosín ye emplegato en as jotas tortosinas, un estilo de jota que entantes yera estendillato por as Tierras de l'Ebro, Matarraña e Norte de Castellón.
A colla comico-musical El Quico, El Celio i el Mut de Ferreries fan cantas e autuazions en tortosín.
