Zanui

Zanui
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca La Litera Zanui-Alins
Población  • Total	165 hab. (2006)
Altaria	454 m.
Distancia  • 75 km	enta Uesca
Codigo postal	22421

Zanui (Sanui en catalán, Azanuy en castellán) ye un lugar situato a 75 km de Uesca y pertenexient a lo municipio de Zanui-Alins, en la comarca de La Litera. En 2006 teneba una población de 165 habitants.

Cheografía

Ye situato a lo sud d'a Sierra de Carrodilla.

Toponimia

Gerhard Rohlfs escribe Azanúy y lo fa remontar a l'antroponimo Attianus (documentato en la Betica) y a terminación ui. A evolución ha estato como maza y mazana derivatos de Mattea y Mattiana.

Bi ha bell microtoponimo en aragonés como Torreviella (contrastando con vell de la parla actual).

Parla

Se i charra un catalán de transición enta l'aragonés.

Como ye normal en catalán, la E curta latina no diftonga, pero bi n'ha casos de diftongación como en cadiera.

Como ye normal en catalán, se pierde a -O final y a -N que queda en posicion final, pero bi ha casos de conservación de -n (ben) y -no (camino, maitinos, que pueden tener -o recomposata por castellanización u conservata d'un estadio anterior menos catalanizato).

Bi ha un caso de conservación de xorda intervocalica en gemecar /chemeká/.

Bi ha plurals en -z como en aragonés cheneral, que s'escriben con -tz, a diferencia d'o catalán cheneral y benasqués que son en -ts:

• chiquetz, totz, ditz ("didos"), nitz ("nueits")
• totz enta casa tan contentetz
• As segundas personas d'o plural d'os verbos tienen a desinencia -tz, com en aragonés (en catalán -u, en castellano -is): parllatz, fetz, vivitz.
• Tamién se da en os participios plurals, que en catalán son en -ts: (moixatz, retallatz).

Os articlos son el, la, els, las pero con casos fosilizatos de lo (to lo día).

Bi ha participios irregulars coincidents con l'aragonés (feito y sito). En o primer caso clama l'atención porque en aragonés baxorribagorzán a sobén ye castellanizato como fecho y en o segundo tamién porque ye una conservación de participio en -ito, hue tipico de l'aragonés central.

Se conserva l'arcaísmo aragonés y catalán de chos (de chuso en aragonés meyeval).

Bi ha posibles aragonesismos lexicos como mascarau, esbarrar-se, endevinetas, misache, talecas.

Vinclos externos

• (an) 2005: Treballo sobre Os bocables recullitos por Jean J. Saroïhandy en Zanui, por Óscar Latas Alegre.

Lugars d'o municipio de Zanui-Alins
Zanui | Alins