Zaha Hadid
De Biquipedia
Zaha Hadid (en arabe: زها حديد) ye una destacata arquiteuta iraquí, naixita de Bagdad o 31 d'otubre de 1950. Ye estata la primer muller en rezebir o prestichioso Premio Pritzker d'Arquiteutura, en 2004.
Contenius |
[editar] Biografía
Iraquí de naixenza, se desplazó ta Londres á fin d'estudiar en l'Architectural Association School of Architecture. Dimpués de obtener o títol treballó con un antico profesor suyo, l'arquiteuto olandés Rem Koolhaas en l'OMA (Office for Metropolitan Architecture), tornando-se-ne sozia en 1977. Tres añatas més tardi establió á Londres o suyo propio estudiet. Ha ensiñato tamién á muitas instituzions prestichiosas per tot lo mundo, estando en l'actualidat profesora d'a Unibersidat d'Artes Aplicatas de Biena (Austria).
[editar] Uebras
Per un regular, as uebras de Hadid se consideran asoziatas á lo deconstructibismo. Predominan as linias estendillatas e curbatas, os anglos acutos e os plans superposatos, que alportan á las creyazions una sensazión de complexidat e lichereza. Muitos d'os suyos primers treballos estioron conzeptuals, sines que rematasen feitos, á ormino perque ta par d'alabez no yeran plenament fesibles. D'entre os suyos prochectos reyalizatos, bi feguran:
- O parque de bombers de Vitra (1994), á Weil am Rhein (Alemaña)
- O Zentro Rosenthal d'Arte Contemporanio (1998), á Cincinnati (EUA)
- A nueba panta d'o Bergisel ta blincos d'esquí (2002), á Innsbruck (Austria)
- O Museu d'a Zenzia Phaeno (2005), á Wolfsburg (Alemaña)
- O Maggie's Centre d'o Espital Victoria (2006), á Kirkcaldy (Reino Unito)
Muitos son os prochectos que se li han encargato en istes zaguers años, e que bien son fendo-se bien son á benir. D'entre éls, bi ye o Pabillón Puent de l'Expo 2008 á Zaragoza.
[editar] Se beiga
[editar] Binclos esternos
- www.zaha-hadid.com - Sitio web ufizial
