Yosa de Sobremont

Iste articlo ye sobre un lugar aragonés en o Sobremont; ta atros usos, se veiga Yosa (desambigación).

Yosa de Sobremont
Localidat d'Aragón
Anvista de Yosa de Sobremont
Entidat  • País  • Provincia  • Comarca  • Municipio	Lugar Aragón  Uesca Alto Galligo Biescas
Población  • Total	23 hab.
Altaria	1.210 m.
Distancia  • 85 km	enta Uesca
Codigo postal	22451
Chentilicio	yosano
Parroquial  • Diocesi  •Arciprestato	Chaca Biescas

Yosa de Sobremón (Yosa de Sobremonte en castellán) ye un lugar d'a provincia de Uesca, situato en o municipio de Biescas en a parzana conoixita como Sobremont.

Toponimia

Se clamó Yosa dende a fin d'o sieglo XV dica o sieglo XVII.

Cheografía

Auguas entalto d'o Barranco Arás y en a suya marguin dreita bi ha unas "chamineras de bruixas" (os torretons d'Arás, toponimo actualment rechistrato como torretones d'Arás). Estas chamineras de bruixas u dames coiffées s'han formato en materials sueltos d'orichen glaciar protechitos d'una fácil erosión por os tormos y losas d'o cabalto suyo.

Historia

Yera seu de concello municipal en 1834 y dica 1860-1873 quan a capital d'o municipio pasó a estar Aso.

En o sieglo XV teneba 7 fuegos y yeran 12 os vecins a principios d'o sieglo XVIII. En 1845 yeran 17 casas, 12 vecins y 74 habitants. En 1857 bi heba 87 habitants y en o zaguer censo que se fació antis d'incorporar-se a lo municipio de Biescas yeran 52.

Curiosidatz

En Biescas bi ha ditos sobre os lugars d'o Sobremont como "Aso, Yosa y Betés, tres lugars ta no i tornar" u "Aso, Yosa e Betés, Dios mos libre d'os tres, sobretot de Betés".

Molimentos

Destaca la ilesia de Sant Urbez d'o sieglo XVII.

Bibliografía

• Zapater, Alfonso: Aragón pueblo a pueblo, 4. Mainer Til Editores, S.L. ISBN 84-89122-03-2.