Wikivoyage

De Biquipedia
Ir ta: navego, busca
O logo de Wikivoyage.

Wikivoyage (nombre en anglés, en aragonés "Wikiviache") ye una guida de viaches mundial de contenito libre, impulsata por a Fundación Wikimedia, que ye a creyadora d'a enciclopedia online de Wikipedia (d'a que en fa parte a Biquipedia en aragonés), y prencipió a suya presencia en chinero de 2013. Mesmo que a Biquipedia, va ixamplando-se en os suyos contenius con as aportacions y edicions d'os colaboradors internacionals d'o prochecto.

O prochecto[editar | editar código]

O suyo orichen se troba en una colla d'editors alemans de Wikitravel que en setiembre de 2006, en no estar conformes con as politicas comercials d'ixe prochecto, l'albandonoron ta creyar-ne uno de nuevo. Con prou popularidat en Alemanya, teneba versions en alemán (l'idioma orichinal), anglés, neerlandés, francés, italián, ruso y sueco. Prencipioron a treballar plegaus y dende meyatos de 2012 se prebó de reunificar Wikitravel y Wikivoyage, amostrando intrés a comunidat d'usuarios d'ixos prochectos en acullir-se a la Fundación Wikimedia.

Prencipió un treballo de revisión d'os articlos y se rematoron detalls, pero a fundación ya penchó una versión de preba en noviembre de 2012. Ista web ye desembolicata con a ferramienta de codigo ubierto Mediawiki, que permite a todas personas creyar, actualizar y modificar os articlos. Amás, como totz os prochectos d'a Fundación, emplega una licencia Creative Commons, con que os usuarios pueden compartir qualsiquier conteniu con a correspondient reconoixencia. Os articlos d'a guida contienen información practica sobre os destins, como por eixemplo a situación, puestos d'intrés, a historia u os restaurants. A pachina ye escrita en ueito luengas, pero por agora en catalán y aragonés no, encara que sí en castellán.

Vinclos externos[editar | editar código]