Wiener Melange

De Biquipedia
Ir ta: navego, busca
Wiener Melange
Wiener Melange.JPG
Wiener Melange en o Café Hawelka
Orichen cheografico
Cocina: Gastronomía austriaca
Orichen: Flag of Austria.svg Austria
Se bebe en: Viena
Categoría: Café
Alimentos relacionatos
Café vienés

A Wiener Melange (en alemán vienés Wiena Melaunsch[1], d'o francés mélange, "mezcla") ye un café con leit parellán a o cappuccino italián, pero por un regular feito con bella variedat de grano suave (por exemplo o café moca), preferiblement torrefacto. A companyía de café vienesa Julius Meinl especifica que un Melange ha de tener "igual parti d'esbruma que de leit vaporizata",[2] y se sirve con un poco de chicolate en polvo por dencima.

O sabor a chicolate d'ista variedat de café fa que de vegatas se confunda o café con chicolate, que en Viena se diz Franziskaner. Ista ye a razón de si se pide un Wiener Melange, mesmo en a propia ciudat de Viena, por un regular te gosan servir un espresso con panna u café con chicolate. En muitos idiomas como l'anglés u o francés, debito a ista confusión o termín café vienés fa referencia a un espresso con panna.

En as cafeterías tipicas d'a capital austriaca, o Melange se gosa servir en una chicota servilla metalica individual chunto a un vaso d'augua d'o grifo.

Referencias[editar | editar código]

  1. (de) Lilliput Wienerisch. Sussane Finsterl-Lindlar. Langenscheidt. 2011. ISBN 978-3-468-20015-1
  2. (en) Julius Meinl: Coffee and Drinks