Wiener Gürtel Straße

De Biquipedia
Ir ta: navego, busca
Wien Wappen.svg
Zaragoza street enseigne top.svg
Zaragoza enseigne tl.svg
Zaragoza enseigne tr.svg
Wiener Gürtel
Gürtel.JPG
Ciudat Viena
Districto Quantos districtos
Prencipia A23 Südosttangente
Denominación B 221 Wiener Gürtel Straße
Vienna subdivisions (1).svg

Zaragoza enseigne bl.svg
Zaragoza enseigne br.svg

O Gürtel (literalment "centurón", en alemán vienés Wiena Giatl Schtråssn) ye un centurón de circumvalación d'a ciudat de Viena, en Austria. Con una largaria total de 13,1 km, ye paralelo a o famoso Ringstraße que rodia a la Inner Stadt. Pasa por os districtos de Landstraße, Wieden, Margareten, Mariahilf, Neubau, Josefstadt, Alsergrund, Meidling, Rudolfsheim-Fünfhaus, Ottakring, Hernals, Währing y Döbling

O nombre oficial d'a vía ye B 221 Wiener Gürtel Straße. Por o sud prencipia en a unión con l'autovía A23 Südosttangente en o districto de Landstraße y contina por l'ueste enta a Gara d'o Sud. Aquí o Wiener Gürtel y o Margaretengürtel marcan a muga entre os districtos de Wieden y Margareten con o districto de Favoriten en o sud. O Gürtel alavez chira enta o norte, travesando o districto de Meidling por a suya parti este, cruzando o río Viena y a Wienzeile y deseparando os districtos de Mariahilf y Neubau a l'este de Rudolfsheim-Fünfhaus chunto a la Gara de l'Uesta. A carretera contina como muga entre Josefstadt y Alsergrund con os districtos exteriors de Hernals y Währing, pasando chunto a o Hespital Cheneral de Viena (Allgemeines Krankenhaus, AKH) y a Volksoper. En a suya parti mas septentrional, en Döbling, o Gürtel trescruza a canal d'o Danubio en o Gürtelbrücke (Puent d'o Gürtel). Dende a Wienzeile dica o suyo estremo norte, se troba chunto a o doble carril o viaducto d'o historico Stadtbahn disenyato por Otto Wagner y que hue fa parti d'a linia U6 d'o metro de Viena.

A Volksoper se troba en o Gürtel, en Alsergrund.

Historia[editar | editar código]

O Gürtel fue construyito dende 1873 en o mesmo puesto a on se trobaba a Linienwall, a muralla d'a ciudat construyita por o emperador Leopoldo I d'Habsburgo en primerías d'o sieglo XVIII ta protecher a suya residencia d'as invasions d'os kuruc en a Guerra d'a Independencia de Rákóczi. Dimpués d'a Primera Guerra Mundial prencipioron a construyir-se arredol d'ista carretera quantas viviendas de protección oficial (as ditas Gemeindebauten) en a era d'a dita Viena Roya.

Como en atras partis d'o Imperio Austro-hongaro, os vehiclos d'antis mas circulaban por a cucha, como en o Reino Unito, pero dimpués de l'Anschluss en 1938 y d'alcuerdo con as regulacions de trafico d'o Tercer Reich, os vehiclos prencipioron a circular en Viena por a dreita igual que se feba en a resta d'o continent. Os plans desenvolicatos en os anyos 1960 y 1970 ta reconstruyir o Gürtel como una autovía urbana nunca no se facioron. Manimenos ista vía, igual que a resta d'arias residencials adchacents, son afectatas por un gran volumen de trafico.

Bibliografía[editar | editar código]