Westfalia

3 entidaz clamatas Westfalia en un mapa de l'actual Alemanya:
Verde: Reino de Westfalia (1807-1813).
Royo: Provincia de Westfalia (1815-1946).
Gris: Renania d'o Norte-Westfalia (1946-actualidat).

Westfalia (Westfalen /vɛstˈfaːlən/ en alemán) ye o nombre d'una antiga rechión historica d'Alemanya, con un territorio compreso entre os ríos Weser y Rin, que recibe o suyo nombre d'os westfalos, una d'as tres tribus de l'antigo pueblo saxón, con os ostfalos y os angrivarios. A primera cita en ye en 775 en os Annales regni Francorum, una breve lista d'escaicimientos en o reinato de Carlos Magno, ta fer referencia t'a parte d'o pueblo saxón vivindo a l'este d'o río Weser.

A suya superficie estió variable seguntes as diferents calendatas, y tamién cambeó a suya forma de gubierno. Asinas, Westfalia estió:

• un ducato, o Ducato de Westfalia.
• un cerclo d'o Sacro Imperio Román Chermanico, o cerclo d'o Baixo Rin-Westfalia.
• un d'os reinos d'a clamata Confederación d'o Rin, o reino de Westfalia.
• una provincia d'os Estatos prusians, a provincia de Westfalia.
• un d'os actuals Estatos federatos d'Alemanya, Renania d'o Norte-Westfalia.