Walter Brennan

Walter Brennan
Walter Brennan en 1947 en una scena d'a cinta Rio Bravo.
Información personal
Calendata naiximiento:	25 de chulio de 1894
Puesto naiximiento:	Swampscott (Massachusetts, Estatos Unitos)
Calendata muerte:	21 de setiembre de 1974
Puesto muerte:	Oxnard (California)
Conchuche:	Ruth Wells (1920-1974)
Premios Oscar
Oscar a o Millor Actor Segundario: -1936: por Come and Get It -1938: por Kentucky -1940: por The Westerner.

Walter Andrew Brennan, naixito de Swampscott (Massachusetts) o 25 de chulio de 1894 y muerto en Oxnard (California) o 21 de setiembre de 1974, estió un actor estatounitense que participó en quantas cintas d'o cine estatounitense, a sobén westerns, dende meyatos d'os anyos 1920, y que recibió quantos premios mientras a suya carrera cinematografica.

D'entre a suya ampla filmografía, se puet destacar a suya partecipación en as cintas Barbary Coast (1935, Howard Hawks), Three Godfathers (1936, Richard Boleslawski), Come and Get It (1936, Howard Hawks y William Wyler), Kentucky (1938, David Butler), Northwest Passage (1940, King Vidor), The Westerner (1940, William Wyler), Sergeant York (1941, Howard Hawks), The North Star (1943, Lewis Milestone), Dakota (1945, Joseph Kane), My Darling Clementine (1946, John Ford), Red River (1948, Howard Hawks), Drums Across the River (1954, Nathan Juran), Rio Bravo (1959, Howard Hawks), u How the West Was Won (1962, de John Ford, Henry Hathaway, George Marshall y Richard Thorpe).

Premios

Walter Brennan recibió en 1936 o primer Premio Oscar a o Millor Actor Segundario por o suyo papel en Come and Get It, de Howard Hawks y William Wyler. Recibió o suyo segundo Oscar a o Millor Actor Segundario en 1938 por a suya interpretación en Kentucky, de David Butler, y o tercero en 1940 por a suya interpretación en The Westerner, de William Wyler.

Vinclos externos

• Se veigan as imáchens de Commons sobre Walter Brennan.
• (en) Walter Brennan en IMDb.

Predecesor: Creyación d'o premio	Oscar a o Millor Actor Segundario 1936	Succesor: Joseph Schildkraut
Predecesor: Joseph Schildkraut	Oscar a o Millor Actor Segundario 1938	Succesor: Thomas Mitchell
Predecesor: Thomas Mitchell	Oscar a o Millor Actor Segundario 1940	Succesor: Donald Crisp