Viella Bavera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Viella Bavera Altbayern Oidbayern | |||||
| Rechión historica d'a Alemanya | |||||
| |||||
| Entidat • País • Estato |
Rechión historica Alemanya.svg){kind=small} Bavera
| ||||
| Capital | Múnich | ||||
| Subdivisions | Alta Bavera Baixa Bavera Alto Palatinato | ||||
| Idioma oficial • Luenga propia |
Alemán Austro-bavaro | ||||
| Chentilicio | Bavaro/a | ||||
 En royo a Viella Bavera con as actuals mugas | |||||
.svg)
A Viella Bavera (en alemán Altbayern u Altbaiern, en austro-bavaro Oidbayern) ye o territorio consistent en as tres partis mas antigas de l'actual Estau Libre de Bavera, que yeran ditas Kurbayern dimpués d'a desaparixión d'o Electorau de Bavera.
A Viella Bavera se divide en as actuals Regierungsbezirke (rechions administrativas):
- Alta Bavera (Oberbayern)
- Baixa Bavera (Niederbayern)
- Alto Palatinato (Oberpfalz)
Ya que o termín Viella Bavera se basa en diferencias culturals en comparanza con as rechions historicas de Franconia (dividida en Alta, Meya y Baixa Franconia) y Suabia (l'actual Suabia bavara), bellas zonas d'a redolada d'a ciudat de Wunsiedel en l'Alta Franconia, asinas como d'o districto suabio d'Aichach-Friedberg, fan parti tamién d'a Viella Bavera, ya que tienen a mesma historia, dialecto y cultura que as tres rechions debanditas. Estrictament charrando, o districto d'Innviertel, en l'Alta Austria, tamién fería parti d'a Viella Bavera, ya que feba parti d'o Electorau de Bavera dica que s'incorporó a l'Archiducau d'Austria seguntes o Tractau de Teschen en 1779.
O Estau de "Baiern" ye dito "Bayern" dende tiempos d'o rei Loís I (1825-1848). Como parti d'as reformas feitas por o ministro Maximilian Josef Montgelas a denominación oficial de Bavera cambeó de "Baiern" enta "Bayern" debiu a l'aimor d'o rei por a cultura de l'Antiga Grecia.
Os territorios de Franconia y Suabia no se adhibirían a o Reino de Bavera dica a mediatización y secularización d'Alemanya y o Congreso de Viena de 1815, por ixo as diferencias culturals y lingüisticas con a Viella Bavera son encara prou importants. Os dialectos bavaros, que encara se charran en a zona d'a Viella Bavera (y en as rechions adchacents d'Austria), son diferents d'o franco (franco oriental) y l'alamanico (suabio) que se parlan en as rechions de Franconia y a Suabia bavara.
En a televisión de Bavera (Bayerischer Rundfunk) bi ha un programa dito "Schwaben & Altbayern" que discute sobre custions politicas y culturals d'as rechions meridionals d'o estau de Bavera.