Viburnum lantana

De Biquipedia
Ir ta: navego, busca
Viburnum lantana
Viburnum lantana a1.jpg
Follache y fruitos encara no maturos de tintilaina
Denominacions populars
Tintilaina, vetelaina, vetalaina, chinchilaina, pitixaina
Clasificación scientifica
Dominio:
Eucariotas
Reino:
Plantae
División:
Magnoliophyta
Clase:
Magnoliopsida
Orden:
Dipsacales
Familia:
Adoxaceae
Chenero:
Viburnum
Especie:
V. lantana
Descripción
Viburnum lantana
Linné,

A tintilaina (Viburnum lantana Linné ye una planta anchiosperma y dicotiledonia d'a familia d'as adoxaceae.

Fitonimia[editar | editar código]

O fitonimo d'esta especie en aragonés ye en muitos puestos tintilaina, interpretable a partir d'o latín TINCTILAGINEM, y con o sufixo -aina propio de fitonimos como borraina, ferraina y plantaina. Atras denominacions d'este especie presentan igualment o sufixo -aina. Tamién tiene o nombre de petichaina y petichainera.

Descripción[editar | editar código]

Ye un matiguer de fuella caducifolia, que puede alcanzar os 4 a 5 m de altura. As ramas son molsudas, grisiscas y flexibles. As fuellas son opuestas, aovadas y lanceoladas de qualques 6-13 cm d'amplo y 4-9 de largo con puntetas en forma de sarra. Debaixo de a fuella ye molsuda con niervols bien marcaus. As chicotas flors (5 mm) hermafroditas, de color blanca sora, naixen en corimbos terminals y densos de 4-10 cm de diametro. A corola consta de 5 petalos rechuntaus, que forman un canyuto largo en o naixedero. Floreix en primerías de o verano y ye polinizada por insectos. O fruto ye royo y se fa negro quan madura, no ye verenoso pero si bella mica toxico. Os muixons ixemenan as simients malas que se minchan o fruto y las van esparraficando con as suyas cacaletas.

A suya madera ye de color amarillisca y feba una tintura emplegada te tintar lanas, teixius y cuero. Con as ramas se feban tochos muito apreciaus, por a textura de a suya pela, a color brillant y a suya flexibilidat y poco peso.

Vinclos externos[editar | editar código]